பிரெஞ்சு ஓபன்: சிமோனா ஹலெப் சாம்பியன்

பிரெஞ்சு ஓபன் மகளிர் ஒற்றையர் பிரிவு இறுதிச் சுற்று ஆட்டம் சனிக்கிழமை நடைபெற்றது. இதில் உலகின் முதல் நிலை வீராங்கனை சிமோனா ஹலேப், யுஎஸ் ஓபன் சாம்பியன் ஸ்லோன் ஸ்டீபன்ஸ் ஆகியோர் மோதினர்.

முதல் அரையிறுதியில் சிமோனோ ஹலேப், 6-1, 6-4 என்ற நேர் செட் கணக்கில் முன்னாள் சாம்பியன் முகுருஸாவும் வீழ்த்தி இறுதி ஆட்டத்துக்கு தகுதி பெற்றார். இதன் மூலம் அவர் தனது முதல்நிலை அந்தஸ்தை தக்க வைத்துக் கொண்டார்.

மற்றொரு அரையிறுதி ஆட்டத்தில் அமெரிக்க நாட்டு வீராங்கனைகள் ஸ்லோன் ஸ்டீபன்ஸ்-மடிசன் கீய்ஸ் ஆகியோர் மோதினர். இதில் 6-4, 6-4 என்ற செட் கணக்கில் ஸ்லோன் வெற்றி பெற்றார். 

இந்நிலையில், 3-ஆவது முறையாக பிரெஞ்சு ஓபன் இறுதிப் போட்டியில் பங்கேற்ற சிமோனா ஹலெப் 3-6, 6-4, 6-1 என்ற செட் கணக்கில் ஸ்லோன் ஸ்டீபன்ஸை வீழ்த்தி முதன்முறையாக சாம்பியன் பட்டத்தைக் கைப்பற்றினார்.