ஏடிபி தரவரிசை: 94-ஆவது இடத்தில் பிரஜ்னேஷ்

ஏடிபி சர்வதேச தரவரிசைப் பட்டியலில் 94-ஆவது இடத்துக்கு முன்னேறி சாதனை படைத்துள்ளார் இந்தியாவின் நட்சத்திர வீரரான பிரஜ்னேஷ் குணேஸ்வரன்.
சென்னையைச் சேர்ந்த பிரஜ்னேஷ் இந்தியாவின் நம்பர் ஒன் வீரராக திகழ்கிறார். ஏடிபி சார்பில் வெளியிடப்பட்ட பட்டியலில் 97-ஆம் இடத்தில் இருந்து 3 இடங்கள் முன்னேறி 94-ஆவது இடத்தில் உள்ளார் பிரஜ்னேஷ். ராம்குமார் ராமநாதன் 137-ஆவது இடத்துக்கும், யுகி பாம்ப்ரி 171-ஆவது இடத்துக்கும் தள்ளப்பட்டனர்.
சாகித் மைனேனி 250, சசிகுமார் முகுந்த் 269-ஆம் இடங்களில் உள்ளனர். இரட்டையர் தரவரிசையில் ரோஹன் போபண்ணா, திவிஜ் சரண் ஆகியோர் முறையே 38, 39-ஆவது இடங்களில் உள்ளனர். பயஸ் 73, ஜீவன் நெடுஞ்செழியன் 75, புரவ் ராஜா 96-ஆவது இடங்களில் உள்ளநர்.
மகளிர் பிரிவில் அங்கிதா ரெய்னா 164, கர்மன் தண்டி 207, பிரன்ஜலா 293-ஆவது இடங்களில் உள்ளனர்.