ஐசிசி தரவரிசை: நெ.1 இடத்தை கோலியிடமிருந்து விரைவில் பறிக்கவுள்ள கேன் வில்லியம்சன்!

வங்கதேசத்துக்கு எதிராக 200 ரன்கள் எடுத்த நியூஸிலாந்து கேப்டன் கேன் வில்லியம்சன் ஐசிசி பேட்ஸ்மேன் தரவரிசையில் 2-ம் பிடித்து விரைவில் விராட் கோலியை முந்த தயாராகிவிட்டார்.

தற்போது 915 புள்ளிகளுடன் கோலிக்கு அடுத்ததாக 2-ம் இடத்தில் உள்ளார் வில்லியம்சன். எனினும் வங்கதேசத்துக்கு எதிரான டெஸ்ட் தொடரில் மேலும் இரு டெஸ்டுகள் விளையாடவுள்ளதால் விரைவில் கோலியைத் தாண்டிச் சென்று வில்லியம்சன் முதலிடம் பிடிப்பார் என எதிர்பார்க்கப்படுகிறது. விராட் கோலி, உலகக் கோப்பைக்குப் பிறகே டெஸ்ட் போட்டியில் விளையாடவுள்ளார். இதனால் அவரால் தற்போது வில்லியம்சனுடன் போட்டியிடமுடியாது. 
 
வங்கதேசத்துக்கு எதிரான டெஸ்டுக்கு முன்பு, 897 புள்ளிகள் வைத்திருந்த வில்லியம்சன், இரட்டைச் சதத்தின் மூலம் தற்போது முதலிடத்தைப் பிடிக்கும் நிலையில் உள்ளார். 2015-ம் வருடம் சிறிது காலம் நெ.1 டெஸ்ட் பேட்ஸ்மேனாக அவர் இருந்தார்.