முதல் டெஸ்ட்: வங்கதேசம் முதலில் பேட்டிங்! இந்தியாவுக்குச் சிறப்பான தொடக்கம்!

3 டி20 ஆட்டங்கள், 2 டெஸ்ட் ஆட்டங்களில் விளையாட வங்கதேச அணி இந்தியாவுக்கு வந்துள்ளது. டி20 தொடரை ரோஹித் சா்மா தலைமையிலான இந்திய அணி 2-1 என்ற கணக்கில் கைப்பற்றியது.

இந்நிலையில் இந்தியா, வங்கதேச அணிகள் இடையிலான முதல் டெஸ்ட், மத்தியப் பிரதேச மாநிலம், இந்தூரில் இன்று தொடங்கியுள்ளது. 

டாஸ் வென்ற வங்கதேச அணியின் புதிய கேப்டன் மொமிநுல் ஹக் டாஸ் வென்று பேட்டிங்கைத் தேர்வு செய்தார். இந்திய அணியில் நதீமுக்குப் பதிலாக இஷாந்த் சர்மா சேர்க்கப்பட்டுள்ளார்.

இந்திய அணி ஆரம்பம் முதல் சிறப்பாகப் பந்துவீசியதால் ரன் எடுக்க வங்கதேச பேட்ஸ்மேன்கள் திணறினார்கள். தொடக்க வீரர்கள் இம்ருல் கைஸும் இஸ்லாமும் தலா 6 ரன்கள் சேர்த்து முறையே உமேஷ் யாதவ், இஷாந்த் சர்மா பந்துவீச்சுகளில் ஆட்டமிழந்தார்கள்.

வங்கதேச அணி 16 ஓவர்களில் 2 விக்கெட் இழப்புக்கு 22 ரன்கள் எடுத்துத் தடுமாறி வருகிறது.