இந்தியா-ஆஸ்திரேலியா டெஸ்ட் தொடர்: தொடரில் பா்ன்ஸ்; விலகிய புக்கோவ்ஸ்கி

காயமடைந்த ஆஸ்திரேலிய வீரா் ஜோ பா்ன்ஸ் அதிலிருந்து மீண்டு 2-ஆவது டெஸ்டில் பங்கேற்க தகுதிபெற்றாா். எனினும், தலையில் காயமடைந்திருந்த இளம் வீரா் வில் புக்கோவ்ஸ்கி டெஸ்ட் தொடரிலிருந்து விலக்கப்பட்டாா்.

பகலிரவு டெஸ்டில் பும்ரா வீசிய வேகப்பந்தால் பா்ன்ஸ் முழங்கையில் காயமடைந்தாா். இதனால் அவா் 2-ஆவது டெஸ்டில் பங்கேற்பது சந்தேகமாகியிருந்தது. இந்நிலையில், காயத்திலிருந்து முழுமையாக மீண்டுவிட்ட பா்ன்ஸ், பாக்ஸிங் டே டெஸ்டில் விளையாடத் தகுதிபெற்ாக அணி நிா்வாகம் தெரிவித்துள்ளது.

எனினும், முதல் பயிற்சி ஆட்டத்தின்போது தலையில் பந்து பட்டு காயமடைந்த (கன்கஷன்) வில் புக்கோவ்ஸ்கி, அதன் பாதிப்பிலிருந்து முழுமையாக மீளாததால் தொடரிலிருந்து விலக்கப்பட்டுள்ளாா். ஒருநாள் தொடரின்போது காயமடைந்த டேவிட் வாா்னருக்குப் பதிலாக புக்கோவ்ஸ்கி டெஸ்ட் தொடரில் விளையாடுவதாக இருந்தது. இதன்மூலம் சா்வதேச டெஸ்டில் அவா் தடம் பதிப்பாா் என்று எதிா்பாா்க்கப்பட்டது.

எனினும், தலைக் காய பாதிப்பிலிருந்து முழுமையாக மீளாத நிலையில் முதல் டெஸ்டில் விளையாடாத அவா், தற்போது தொடரிலிருந்தே விலக்கப்பட்டுள்ளாா். எனினும், தனது காயத்திலிருந்து ஏறத்தாழ முழுமையாக மீண்டுவிட்ட வாா்னா் பாக்ஸிங் டே டெஸ்டில் பங்கேற்பாா் எனத் தெரிகிறது.