டி.ஒய்.பாட்டீல் டி-20 கிரிக்கெட்:55 பந்துகளில் 158 ரன்கள் விளாசிய ஹாா்திக் பாண்டியா

நவி மும்பை: டி.ஒய்.பாட்டீல் டி-20 கிரிக்கெட் போட்டியில் ரிலையன்ஸ் அணிக்காக விளையாடிய இந்திய அணியின் ஆல்-ரவுண்டா் ஹாா்த்திக் பாண்டியா, 55 பந்துகளில் 158 ரன்கள் விளாசி அசத்தினாா்.

மகாராஷ்டிர மாநிலம், நவி மும்பையில் பிபிசிஎல் அணிக்கு எதிராக வெள்ளிக்கிழமை நடைபெற்ற அரையிறுதி ஆட்டத்தில் 6 பவுண்டரிகள், 20 சிக்ஸா்கள் என அதிரடி காட்டினாா் பாண்டியா.

முதுகில் அறுவை சிகிச்சை செய்துகொண்டதால் இந்திய அணியில் விளையாடாமல் இருந்துவந்தாா். காயத்திலிருந்து குணமடைந்த அவா், ‘ரிலையன்ஸ் 1’ அணிக்காக தற்போது விளையாடி வருகிறாா். 20 ஓவா்களில் ரிலையன்ஸ் அணி 4 விக்கெட் இழப்புக்கு 238 ரன்கள் சோ்த்தது. பிபிசிஎல் பந்துவீச்சாளா்கள் வீசிய பந்தை எல்லைக்கோட்டுக்கு அப்பால் அவா் பறக்கவிட்ட விதம் அங்கிருந்த ரசிகா்களைக் கவா்ந்தது.

பின்னா் விளையாடிய பிபிசிஎல் 134 ரன்களில் ஆட்டமிழந்தது. ரிலையன்ஸ் அணி 104 ரன்கள் வித்தியாசத்தில் வென்றது.

ரிலையன்ஸ் அணிக்காக விளையாடிய இந்திய தொடக்க ஆட்டக்காரா் ஷிகா் தவண், 3 ரன்களில் நடையைக் கட்டினாா். ஹாா்திக் பாண்டியா அதிரடியாக விளையாடியதுடன், பந்துவீசி ஒரு விக்கெட்டையும் கைப்பற்றினாா். ரிலையன்ஸ் அணிக்காக விளையாடிய இந்திய பந்துவீச்சாளா் புவனேஸ்வா் குமாா் ஒரு விக்கெட்டை வீழ்த்தினாா்.

தென்னாப்பிரிக்க அணி இந்தியாவில் சுற்றுப் பயணம் செய்து இம்மாதம் 3 ஒரு நாள் ஆட்டங்கள் கொண்ட தொடரில் விளையாடவுள்ளது. இந்நிலையில், பாண்டியாவின் ஆட்டம் முக்கியத்துவம் வாய்ந்ததாகக் கருதப்படுகிறது.