ஒருமணி நேரம் லிஃப்டில் சிக்கிக்கொண்ட ஸ்டீவ் ஸ்மித்: லபுஷேன் என்ன செய்தார் தெரியுமா?

ஆஸ்திரேலிய கிரிக்கெட் வீரர் ஸ்டீவ் ஸ்மித் மெல்போர்னில் ஹோட்டல் ஒன்றில் சுமார் ஒருமணி நேரம் லிஃப்டில் சிக்கிக்கொண்டுள்ளார்.

லிஃப்டில் சிக்கிக்கொண்ட விடியோவை அவர் இன்ஸ்டாகிராமில் ஸ்டோரியாக பதிவிட்டுள்ளார். 

லிஃப்டில் அவர் சுமார் 55 நிமிடங்கள் சிக்கிக்கொண்டுள்ளார். லிஃப்டின் கதவைத் திறக்க சக வீரர் மார்னஸ் லபுஷேனும் மறுமுனையிலிருந்து முயற்சித்ததாக இன்ஸ்டாகிராம் ஸ்டோரியில் ஸ்மித் கூறுகிறார்.

இதையும் படிக்க | உலகின் சிறந்த மூன்று வேகப்பந்து வீச்சாளர்களில் ஒருவர்: ஷமியைப் பாராட்டும் விராட் கோலி

மேலும், மீட்புப் பணிகளுக்கு மத்தியில் ஸ்மித்துக்கு லபுஷேன் சாக்லெட் கொடுக்கும் காட்சிகளும் அந்த ஸ்டோரியில் பதிவாகியுள்ளன.

இறுதியாக பெரும் முயற்சிக்குப் பிறகு ஸ்மித் லிஃப்டில் இருந்து வெளியேற்றப்பட்டார். ஹோட்டல் அறைக்குச் சென்ற பிறகு, அந்தத் தகவலைப் பதிவிடுவதற்காகவும் ஒரு ஸ்டோரியை ஸ்மித் இணைத்துள்ளார்.

முன்னதாக, மெல்போர்னில் நடைபெற்ற ஆஷஸ் 3-வது டெஸ்ட் ஆட்டத்தில் ஆஸ்திரேலிய அணி ஒரு இன்னிங்ஸ் மற்றும் 14 ரன்கள் வித்தியாசத்தில் அபார வெற்றி பெற்றது.