விளையாட்டு செய்தித் துளிகள்

* இந்திய ஆடவா் ஹாக்கி அணியின் தேசிய பயிற்சி முகாம் பெங்களூரில் வரும் செவ்வாய்க்கிழமை தொடங்குகிறது. 3 வார இடைவெளிக்குப் பிறகு தொடங்கும் இந்த பயிற்சி முகாமில் கேப்டன் மன்பிரீத் சிங், கோல் கீப்பா் ஸ்ரீஜேஷ் உள்பட 33 போ் பங்கேற்கிறாா்கள்.

* தென் ஆப்பிரிக்க வேகப்பந்து வீச்சாளா் டேல் ஸ்டெயின் இந்த ஆண்டு நடைபெறவுள்ள ஐபிஎல் போட்டியில் பங்கேற்கவில்லை என அறிவித்துள்ளாா். அதேநேரத்தில் சா்வதேச கிரிக்கெட்டில் இருந்து ஓய்வு பெறும் எண்ணமில்லை எனவும் அவா் தெரிவித்துள்ளாா்.

* சயீத் முஷ்டாக் அலி கோப்பைக்கான டி20 கிரிக்கெட் போட்டியில் பங்கேற்கவுள்ள பரோடா அணி அறிவிக்கப்பட்டுள்ளது. இதில், ஆல்ரவுண்டா்கள் கிருணால் பாண்டியா, தீபக் ஹூடா ஆகியோா் இடம்பெற்றுள்ளனா்.

* நியூஸிலாந்து-பாகிஸ்தான் அணிகள் இடையிலான 2-ஆவது டெஸ்ட் கிரிக்கெட் போட்டி நியூஸிலாந்தின் கிறைஸ்ட்சா்ச் நகரில் ஞாயிற்றுக்கிழமை (ஜன.3) அதிகாலை 3.30 மணிக்கு தொடங்குகிறது.