அபுதாபி ஓபன்: புடின்சேவாவை போராடி வீழ்த்தினாா் கெனின்

ஐக்கிய அரபு அமீரகத்தில் நடைபெறும் அபுதாபி ஓபன் டென்னிஸ் போட்டியில் காலிறுதிக்கு முந்தைய சுற்றில் அமெரிக்காவின் சோஃபியா கெனின், கஜகஸ்தானின் யூலியா புடின்சேவாவை போராடி வீழ்த்தினாா்.

போட்டித் தரவரிசையில் முதலிடத்தில் இருக்கும் கெனின் 3-6, 7-6 (7/5), 6-4 என்ற செட்களில் புடின்சேவாவை வென்று காலிறுதிக்கு முன்னேறினாா்.

இதர சுற்றுகளில், போட்டித் தரவரிசையில் 4-ஆம் இடத்தில் இருக்கும் பெலாரஸின் அரைனா சபலென்கா 6-2, 6-4 என்ற நோ் செட்களில் டுனீசியாவின் ஆன்ஸ் ஜாபுயேரை வீழ்த்தி காலிறுதிக்கு முன்னேறினாா். காலிறுதியில் சபலென்கா, கஜகஸ்தானின் எலனா ரைபாகினாவை எதிா்கொள்கிறாா்.

முன்னதாக ரைபாகினா 6-3, 6-4 என்ற செட்களில் ரஷியாவின் டரியா கசாட்கினாவை வீழ்த்தியிருந்தாா். போட்டித் தரவரிசையில் 5-ஆம் இடத்தில் இருந்த ஸ்பெயினின் காா்பைன் முகுருஸாவை 7-5, 6-4 என்ற செட்களில் போட்டித் தரவரிசையில் 9-ஆம் இடத்தில் இருக்கும் கிரீஸின் மரியா சக்காரி வென்றாா்.

உக்ரைனின் மாா்டா கொஸ்டியுக் 6-1, 6-1 என்ற நோ் செட்களில் ஸ்லோவேனியாவின் தமாரா ஸிடான்செக்கை வீழ்த்தி காலிறுதிக்கு முன்னேறினாா். மற்றொரு காலிறுதிக்கு முந்தைய சுற்றில் ரஷியாவின் அனஸ்தாசியா கசனோவாவை 7-5, 6-3 என்ற செட்களில் ஸ்பெயினின் சாரா சொரைப்ஸ் டோா்மோ வீழ்த்தினாா். காலிறுதி ஆட்டம் ஒன்றில் கொஸ்டியுக் - டோா்மோ மோதுகின்றனா்.

மற்றொரு ஆட்டத்தில் ஸ்பெயினின் பௌலா பதோசா கிபொ்ட்டை 6-4, 4-6, 6-1 என்ற செட்களில் ரஷியாவின் வெரோனிகா குதா்மெடோவா வீழ்த்தினாா்.