கோபா அமெரிக்கா: மெஸ்ஸிக்கு தங்க காலணி விருது

கோபா அமெரிக்கா கால்பந்து தொடரில் அதிக கோல்களை அடித்த லயோனல் மெஸ்ஸிக்கு தங்க காலணி விருது வழங்கப்பட்டுள்ளது.

கோபா அமெரிக்கா கோப்பையின் இறுதி ஆட்டதில் ஆர்ஜென்டீனாவும் பிரெசிலும் மோதிக்கொண்டன. ஆரம்பம் முதலே இரு அணி வீரர்களும் கடுமையான ஆட்டத்தை வெளிப்படுத்தினர். இறுதியில் 1-0 என்ற கணக்கில் வெற்றி பெற்ற ஆர்ஜென்டீனா கோப்பையைக் கைப்பற்றியது. 

இந்த ஆட்டதில் மெஸ்ஸி எந்த கோலும் போடவில்லை. இருப்பினும் தொடர் முழுவதும் சிறப்பாக ஆடிய மெஸ்ஸி அடித்த கோல்களின் மொத்த எண்ணிக்கை 4. இதற்காக அவருக்கு தங்க காலணி விருது வழங்கப்பட்டிருக்கிறது.

அணி கேப்டனாக இருந்து அவர் பெற்றுத் தரும் முதல் கோபா கோப்பை இது என்பது குறிப்பிடத்தக்கது.