முதல்வராகப் பதவியேற்ற மு.க. ஸ்டாலின்: கிரிக்கெட் வீரர் அஸ்வின் வாழ்த்து

தமிழக சட்டப்பேரவைத் தோ்தலில் திமுக தலைமையிலான கூட்டணி 159 தொகுதிகளில் வெற்றி பெற்றுள்ளது. திமுக மட்டும் 125 தொகுதிகளைக் கைப்பற்றியுள்ளது. சட்டப்பேரவையின் 234 தொகுதிகளில் ஆட்சியமைக்க 118 எம்எல்ஏக்கள் வரை பெற்றிருக்க வேண்டும். திமுக கூடுதல் தொகுதிகளைக் கைப்பற்றியுள்ள நிலையில், தனிப் பெரும்பான்மையுடன் ஆட்சி அமைத்துள்ளது. 

தமிழக முதல்வராக மு.க.ஸ்டாலின் இன்று பதவியேற்றார். கிண்டியில் உள்ள ஆளுநா் மாளிகையில் பதவியேற்பு விழா நடைபெற்றது. 

இந்நிலையில் தமிழகத்தைச் சேர்ந்த பிரபல கிரிக்கெட் வீரர் அஸ்வின் முதல்வர் ஸ்டாலினுக்கு வாழ்த்துகளைத் தெரிவித்துள்ளார். ட்விட்டரில் அவர் கூறியதாவது:

தமிழ்நாட்டின் முதல்வராகப் பதவியேற்றிருக்கும் மு.க. ஸ்டாலினுக்கு வாழ்த்துகள் என்று கூறியுள்ளார்.