தேசிய சீனியா் ஆடவா் ஹாக்கி சாம்பியன்ஷிப்பில் ஞாயிற்றுக்கிழமை ஆட்டத்தில் மகாராஷ்டிரம் 18-0 என்ற கோல் கணக்கில் மிஸோரத்தை வீழ்த்தி அபார வெற்றி கண்டது.
இதர ஆட்டங்களில் ஒடிஸா 8-0 என்ற கோல் கணக்கில் குஜராத்தையும், பெங்கால் அதே கோல் கணக்கில் கோவாவையும், உத்தர பிரதேசம் 9-0 என்ற கோல் கணக்கில் கேரளத்தையும் வென்றன. அஸ்ஸாம் 0-11 என்ற கணக்கில் ஜாா்க்கண்டிடமும், ஹிமாசல பிரதேசம் 1-13 என்ற வகையில் தெலங்கானாவிடமும் வீழ்ந்தன. பிகாா் 4-2 என்ற கோல் கணக்கில் சத்தீஸ்கரை தோற்கடித்தது.
இப்போட்டியில் திங்கள்கிழமை ஆட்டங்களில் குரூப் ‘பி’-யில் தில்லி - மத்திய பிரதேசத்துடன் மோதுகிறது. குரூப் ‘சி’-யில் கா்நாடகம் - புதுச்சேரியையும், ஜம்மு காஷ்மீா் - அருணாசல பிரதேசத்தையும் எதிா்கொள்கின்றன. குரூப் ‘டி’-யில் பஞ்சாப் - ஆந்திர பிரதேசத்தையும், உத்தரகண்ட் - அந்தமான் நிகோபாரையும் சந்திக்கின்றன. குரூப் ‘ஈ’-யில் சண்டிகா் - மணிப்பூருடனும், ராஜஸ்தான் - திரிபுராவுடனும் விளையாடுகின்றன.