Enable Javscript for better performance
Everything is fine with Bumrah says Shami- Dinamani

உடனுக்கு உடன் செய்திகள்

    முகப்பு விளையாட்டு செய்திகள்

    பும்ராவின் காயம் குணமாகிவிட்டதா?: முகமது ஷமி பதில்

    By DIN  |   Published On : 29th December 2021 11:30 AM  |   Last Updated : 29th December 2021 11:30 AM  |  அ+அ அ-  |  

    bumrah_injury_AP21362409491665

     

    முதல் டெஸ்டில் ஏற்பட்ட காயத்திலிருந்து பும்ரா குணமாகி விட்டதாக இந்திய வேகப்பந்து வீச்சாளர் ஷமி கூறியுள்ளார்.

    இந்திய அணி தென்னாப்பிரிக்காவில் 3 டெஸ்ட், 3 ஒருநாள் ஆட்டங்களில் விளையாடுகிறது. முதல் டெஸ்ட், செஞ்சுரியனில் ஞாயிற்றுக்கிழமை தொடங்கியது. டாஸ் வென்ற இந்திய அணி கேப்டன் விராட் கோலி, பேட்டிங்கைத் தேர்வு செய்தார். இந்திய அணி தனது முதல் இன்னிங்ஸில் 105 ஓவர்களில் 9 விக்கெட் இழப்புக்கு 327 ரன்கள் எடுத்தது. ராகுல் 123, மயங்க் அகர்வால் 60, ரஹானே 48 ரன்கள் எடுத்தார்கள். தெ.ஆ. தரப்பில் என்கிடி 6 விக்கெட்டுகளும் ரபாடா 3 விக்கெட்டுகளும் எடுத்தார்கள். 

    இந்திய அணி சிறப்பாகப் பந்துவீசியதால் தெ.ஆ. அணி முதல் இன்னிங்ஸில் 62.3 ஓவர்களில் 197 ரன்களுக்கு ஆட்டமிழந்தது. பவுமா 52 ரன்கள் எடுத்தார். இந்திய வேகப்பந்து வீச்சாளர் ஷமி 5 விக்கெட்டுகளும் பும்ரா, தாக்குர் தலா 2 விக்கெட்டுகளும் சிராஜ் 1 விக்கெட்டும் எடுத்தார்கள். 3-ம் நாள் முடிவில் இந்திய அணி 6 ஓவர்களில் 1 விக்கெட் இழப்புக்கு 16 ரன்கள் எடுத்துள்ளது. ராகுல் 5, தாக்குர் 4 ரன்களுடன் களத்தில் உள்ளார்கள். இந்திய அணி 9 விக்கெட்டுகள் மீதமுள்ள நிலையில் 146 ரன்கள் முன்னிலை பெற்றுள்ளது. 

    இந்த ஆட்டத்தின் மூலம் 200-வது டெஸ்ட் விக்கெட்டை எடுத்தார் ஷமி. இந்த இலக்கை எட்டிய 5-வது இந்திய வேகப்பந்துவீச்சாளர் என்கிற பெருமையைப் பெற்றார்.

    பும்ரா தனது 6-வது ஓவரை வீசியபோது அவருக்குக் காயம் ஏற்பட்டது. பந்துவீசி முடிக்கும்போது கால் இடறியதால் கணுக்காலில் காயம் ஏற்பட்டது. இதையடுத்து உடனடியாக ஓய்வறைக்குச் சென்று சிகிச்சை மேற்கொண்டார். காயத்திலிருந்து மீண்ட பும்ரா மீண்டும் மைதானத்துக்குள் வந்தார். பிறகு வழக்கம்போல பந்துவீசி கடைசி விக்கெட்டையும் எடுத்தார்.

    இந்நிலையில் பும்ராவின் காயம் குறித்து முகமது ஷமி கூறியதாவது:

    பும்ராவுக்குக் காயம் பெரிதாக ஏற்படவில்லை. மீண்டும் வந்து அவர் பந்துவீசினார். உங்கள் குழுவில் ஒருவர் இல்லையென்றால் அழுத்தம் ஏற்படும். முக்கியமாக, டெஸ்ட் ஆட்டங்களில் நீண்ட நேரம் ஓவர்கள் வீசவேண்டும் என்பதால். அது நினைவில் இருந்துகொண்டே இருக்கும். ஆனால் எங்களிடம் ஐந்து பந்துவீச்சாளர்கள் உள்ளார்கள். எனவே பிரச்னை ஏற்பட்டால் சரிசெய்து விட முடியும். ஒரு குழுவாகச் சமாளித்துவிட்டோம். கூடுதல் அழுத்தம் ஏற்படவில்லை.

    பும்ரா நலமாக உள்ளார். நீங்களே பார்த்தீர்கள், மீண்டும் பந்துவீச வந்து, கடைசி விக்கெட்டையும் எடுத்தார். கணுக்காலில் காயம் ஏற்பட்டால் அது வலி ஏற்படுத்தும். சீக்கிரம் குணமாகவேண்டும் என விரும்புவோம். அவர் காயத்திலிருந்து மீண்டு வந்து ஒரு மணி நேரம் ஃபீல்டிங் செய்தார். எனவே பும்ரா நன்றாக உள்ளார், ஒரு பிரச்னையும் இல்லை என நினைக்கிறேன் என்றார். 


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp