சத்தோகிராம் டெஸ்ட்: வங்கதேசம் - 330

பாகிஸ்தானுக்கு எதிரான முதல் டெஸ்டில் வங்கதேசம் தனது முதல் இன்னிங்ஸில் 114.4 ஓவா்களில் அனைத்து விக்கெட் இழப்புக்கு 330 ரன்கள் அடித்தது.

அணியில் அதிகபட்சமாக லிட்டன் தாஸ் 11 பவுண்டரிகள், 1 சிக்ஸா் உள்பட 114 ரன்கள் அடித்திருந்தாா். அடுத்தபடியாக முஷ்ஃபிகா் ரஹிம் 11 பவுண்டரிகளுடன் 91 ரன்கள் எடுத்திருந்தாா். எஞ்சிய விக்கெட்டுகள் சொற்ப ரன்களில் ஆட்டமிழந்தன.

பாகிஸ்தான் பௌலிங்கில் ஹசன் அலி 5 விக்கெட்டுகள் சாய்க்க, ஷாஹீன் ஷா அஃப்ரிதி, ஃபஹீம் அஷ்ரஃப் ஆகியோா் தலா 2 விக்கெட்டுகளும், சஜித் கான் 1 விக்கெட்டும் எடுத்தனா்.

பின்னா் தனது முதல் இன்னிங்ஸை தொடங்கிய பாகிஸ்தான் சனிக்கிழமை முடிவில் 57 ஓவா்களில் விக்கெட் இழப்பின்றி 145 ரன்கள் அடித்திருந்தது. அபித் அலி 93, அப்துல்லா ஷஃபிக் 52 ரன்களுடன் ஆட்டமிழக்காமல் இருந்தனா்.