தமிழக தேர்தல்: கட்சி பிரதிநிதிகளுடன் தலைமைத் தேர்தல் அதிகாரி ஆலோசனை!எழுத்தாளர் ச.தமிழ்ச்செல்வனுக்கு சாகித்ய அகாதெமி விருது பாஜகவுடன் கூட்டணி பேச்சுவார்த்தை இல்லை; வதந்திகளை நம்ப வேண்டாம்! - தவெகஒளிப்பதிவுக்கான சிறந்த ஆஸ்கர் விருது பெற்ற முதல் பெண்! அவர் சொன்ன ரகசியம்!சிறந்த திரைப்படம் உள்பட 6 ஆஸ்கர் விருதுகளை வென்ற ஒன் பேட்டில் ஆஃப்டர் அனதர்! கதை என்ன?2026ஆம் ஆண்டுக்கான ஆஸ்கர் விருதுகள்! வெற்றியாளர்கள் முழு விவரம்!! தங்கம், வெள்ளி விலை மீண்டும் குறைவுமீண்டும் சென்னை திரும்பிய துபை விமானம் மேற்கு வங்கத்தில் தலைமைச்செயலாளர் மாற்றம்! கட்டாக் மருத்துவமனையில் பயங்கர தீ விபத்து: 10 நோயாளிகள் பலி சென்னை மாதவரத்தில் என்கவுன்டரில் ரௌடி சுட்டுக்கொலை!
/

சாத்விக் - சிரக் கூட்டணிக்கு பதக்கம் உறுதி

 உலக பாட்மின்டன் சாம்பியன்ஷிப் போட்டியில் இந்தியாவின் சாத்விக்சாய்ராஜ்/சிரக் ஷெட்டி கூட்டணி அரையிறுதிச்சுற்றுக்கு முன்னேறி பதக்கத்தை உறுதி செய்தது.

News image
Updated On :27 ஆகஸ்ட் 2022, 12:05 am

DIN

 உலக பாட்மின்டன் சாம்பியன்ஷிப் போட்டியில் இந்தியாவின் சாத்விக்சாய்ராஜ்/சிரக் ஷெட்டி கூட்டணி அரையிறுதிச்சுற்றுக்கு முன்னேறி பதக்கத்தை உறுதி செய்தது.

உலகின் 7-ஆம் நிலை ஜோடியான சாத்விக்சாய்ராஜ்/சிரக் ஷெட்டி இணை தங்களது காலிறுதிச்சுற்றில், போட்டித்தரவரிசையில் 2-ஆம் இடத்தில் இருந்தோரும், நடப்புச் சாம்பியனுமான ஜப்பானின் டகுரோ ஹோகி/யுகோ கோபயாஷி கூட்டணியை 24-22, 15-21, 21-14 என்ற கேம்களில் வென்றனா். இந்த ஆட்டம் 1 மணி நேரம் 15 நிமிஷங்களில் முடிவுக்கு வந்தது.

சாத்விக்/சிரக் இணை அடுத்ததாக அரையிறுதியில், போட்டித்தரவரிசையில் 6-ஆம் இடத்திலிருக்கும் மலேசியாவின் ஆரோன் சியா/சோ வூய் யிக் ஜோடியை எதிா்கொள்கின்றது.

இதனிடையே, காலிறுதிச்சுற்றில் மற்றொரு இந்திய ஜோடியான எம்.ஆா்.அா்ஜுன்/துருவ் கபிலா 8-21, 14-21 என்ற கேம்களில், போட்டித்தரவரிசையில் 3-ஆம் இடத்திலிருக்கும் இந்தோனேசியாவின் முகமது அசன்/ஹெந்த்ரா சேத்தியாவன் இணையிடம் தோல்வியைத் தழுவினா்.

பிரணாய் தோல்வி: ஆடவா் ஒற்றையா் பிரிவில் மிகவும் எதிா்பாா்க்கப்பட்ட ஹெச்.எஸ்.பிரணாய் காலிறுதிச்சுற்றில் தோல்வி கண்டாா். அவா், 21-19, 6-21, 18-21 என்ற கேம்களில் சீனாவின் ஜாவ் ஜுன் பெங்கிடம் வெற்றியை இழந்தாா்.

1

உலக சாம்பியன்ஷிப்பில் ஆடவா் இரட்டையா் பிரிவில் இந்தியாவுக்கான முதல் பதக்கத்தை சாத்விக்/சிரக் உறுதி செய்திருக்கின்றனா். இருபாலா் இரட்டையா் பிரிலுமாக கணக்கில் கொண்டால் இது 2-ஆவது பதக்கமாகும். முன்னதாக, கடந்த 2011-இல் மகளிா் இரட்டையா் பிரிவில் ஜுவாலா கட்டா/அஸ்வினி பொன்னப்பா இணை உலக சாம்பியன்ஷிப்பில் வெண்கலப் பதக்கம் வென்றது நினைவுகூரத்தக்கது.

13

தற்போது சாத்விக்/சிரக் வெல்ல இருப்பது, உலக சாம்பியன்ஷிப்பில் இந்தியாவுக்குக் கிடைக்க இருக்கும் 13-ஆவது பதக்கமாகும். இதற்கு முன் பி.வி.சிந்து (1 தங்கம், 2 வெள்ளி, 2 வெண்கலம்), சாய்னா நெவால் (1 வெள்ளி, 1 வெண்கலம்), கிடாம்பி ஸ்ரீகாந்த் (1 வெள்ளி), லக்ஷயா சென் (1 வெண்கலம்), சாய் பிரணீத் (1 வெண்கலம்), பிரகாஷ் படுகோன் (1 வெண்கலம்), ஜுவாலா கட்டா/அஸ்வினி பொன்னப்பா (1வெண்கலம்) வென்றுள்ளனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.