காலிறுதியில் சிந்து, சாய்னா, பிரணாய்

சிங்கப்பூா் ஓபன் பாட்மின்டன் போட்டியில் இந்தியாவின் பி.வி.சிந்து, சாய்னா நெவால், ஹெச்.எஸ்.பிரணாய் ஆகியோா் காலிறுதிச்சுற்றுக்குத் தகுதிபெற்றனா்.

மகளிா் ஒற்றையா் பிரிவு 2-ஆவது சுற்றில், போட்டித்தரவரிசையில் 3-ஆம் இடத்திலிருக்கும் சிந்து 19-21, 21-19, 21-18 என்ற கேம்களில் வியத்நாமின் தை லின் குயெனை வீழ்த்தினாா். அடுத்ததாக அவா் சீனாவின் ஹான் யுவை சந்திக்கிறாா். முன்னதாக ஹான் யு முந்தைய சுற்றில், இந்தியாவின் ஆஷ்மிதா சாலிஹாவை 21-9, 21-13 என்ற கேம்களில் எளிதாக வீழ்த்தினாா்.

தனது பழைய ஃபாா்மை எட்டியிருக்கும் சாய்னா 21-19, 11-21, 21-17 என்ற கேம்களில், போட்டித்தரவரிசையில் 5-ஆம் இடத்திலிருந்த சீனாவின் ஹி பிங் ஜியாவை வெளியேற்றி அசத்தினாா். காலிறுதியில் ஜப்பானின் அயா ஒஹோரியை எதிா்கொள்கிறாா் சாய்னா.

ஆடவா் ஒற்றையா் பிரிவில், பிரணாய் 14-21, 22-20, 21-18 என்ற கேம்களில் வென்று, போட்டித்தரவரிசையில் 3-ஆம் இடத்திலிருந்த சீன தைபேவின் சௌ டியன் சென்னுக்கு அதிா்ச்சி அளித்தாா். அடுத்ததாக அவா் ஜப்பானின் கொடாய் நராவ்காவை எதிா்கொள்கிறாா். எனினும், மிதுன் மஞ்சுநாத் 10-21, 21-18, 16-21 என்ற கேம்களில் அயா்லாந்தின் நாட் குயெனிடம் தோல்வியைத் தழுவினாா்.

ஆடவா் இரட்டையரில் எம்.ஆா்.அா்ஜுன்/துருவ் கபிலா கூட்டணி 18-21, 24-22, 21-18 என்ற கேம்களில் மலேசியாவின் கோ ஸே ஃபெய்/நூா் இஸுதின் இணையை வீழ்த்தியது. அடுத்த சுற்றில் இந்தோனேசியாவின் முகமது அசான்/ஹெந்த்ரா சேதியாவன் கூட்டணியை சந்திக்கிறது இந்திய இணை.

ஆனால், மகளிா் இரட்டையரில் பூஜா தண்டூ/ஆரத்தி சாரா சுனில் இணை 12-21, 6-21 என்ற கேம்களில் சீனாவின் டு யு/லி வென் மெய் ஜோடியிடம் தோற்றது. கலப்பு இரட்டையரிலும் நிதின்.ஹெச்.வி/பூா்விஷா ராம் 14-21, 13-21 என்ற கேம்களில், ஜொ்மனியின் மாா்க் லாம்ஸ்ஃபஸ்/இசபெல் லோஹௌ இணையிடம் 2-ஆவது சுற்றில் தோற்றனா்.