டி20 தரவரிசையில் முதலிடத்துக்கு முன்னேறியுள்ளார் இந்தியாவின் சூர்யகுமார் யாதவ்.
டி20 உலகக் கோப்பையில் இரு அரை சதங்கள் எடுத்து சிறப்பாக விளையாடி வருகிறார் சூர்யகுமார் யாதவ். 2022-ல் 27 ஆட்டங்களில் 965 ரன்கள் எடுத்து அதிக ரன்கள் எடுத்த வீரர்களின் பட்டியலில் முதலிடத்தில் உள்ளார். 8 அரை சதங்கள், 1 சதம். ஸ்டிரைக் ரேட் - 183.80.
இந்நிலையில் இன்று வெளியிடப்பட்ட பேட்டர்களுக்கான டி20 தரவரிசையில் பாகிஸ்தானின் ரிஸ்வானைப் பின்னுக்குத் தள்ளி முதலிடம் பிடித்துள்ளார் சூர்யகுமார் யாதவ். 863 புள்ளிகளுடன் சூர்யகுமார் முதலிடத்திலும் ரிஸ்வான் 842 புள்ளிகளுடன் 2-ம் இடத்திலும் உள்ளார்கள். இந்தியாவின் கோலி 10-ம் இடத்தில் உள்ளார்.