மகளிர் ஆசியக் கோப்பை: பாகிஸ்தானை 137 ரன்களுக்குக் கட்டுப்படுத்திய இந்திய அணி!

மகளிர் ஆசியக் கோப்பை டி20 போட்டியில் இந்தியாவுக்கு எதிராக 137 ரன்கள் எடுத்துள்ளது பாகிஸ்தான் அணி. 

முதல் ஆட்டத்தில் இலங்கையை எளிதாக வீழ்த்திய இந்திய மகளிர் அணி, 2-வது ஆட்டத்தில் மலேசியாவை 30 ரன்கள் வித்தியாசத்தில் (டி/எல் முறையில்) தோற்கடித்தது. 3-வது ஆட்டத்தில் ஐக்கிய அரபு அமீரகத்தை எளிதாக வென்றது. 

தனது 4-வது ஆட்டத்தில் பாகிஸ்தானை எதிர்கொள்கிறது இந்திய மகளிர் அணி. இன்றைய ஆட்டத்தில் டாஸ் வென்ற பாகிஸ்தான் அணி பேட்டிங்கைத் தேர்வு செய்தது. அந்த அணி 20 ஓவர்களில் 6 விக்கெட் இழப்புக்கு 137 ரன்கள் எடுத்தது. நிதா தர் ஆட்டமிழக்காமல் 56 ரன்கள் எடுத்தார். தீப்தி சர்மா 3 விக்கெட்டுகளை வீழ்த்தினார். இன்றைய ஆட்டத்தில் இந்திய கேப்டன் ஹர்மன்ப்ரீத் கெளர் மீண்டும் அணியில் இடம்பெற்றார். ஸ்னேக் ராணாவுக்குப் பதிலாக ராதா யாதவ் தேர்வாகியுள்ளார். இந்த ஆட்டத்திலும் ஷெஃபாலி வர்மா இடம்பெறவில்லை. 

இரு அணிகளும் காமன்வெல்த் போட்டியில் மோதியபோது 8 விக்கெட் வித்தியாசத்தில் பாகிஸ்தானை வென்றது இந்தியா. 

டி20 உலகக் கோப்பை: முழு உடற்தகுதியை அடைந்தாரா தீபக் ஹூடா?

டி20 உலகக் கோப்பையில் பிரபல நியூசி. வீரர் பங்கேற்பதில் சந்தேகம்!

கடைசி ஓவரில் நான்கு சிக்ஸர்கள் அடிக்க முடியும்: சஞ்சு சாம்சன்

முத்தரப்பு டி20: வங்கதேசத்தை வீழ்த்திய பாகிஸ்தான்