2-வது ஒருநாள்: அருமையாகப் பந்துவீசி ஆஸ்திரேலியாவை வீழ்த்திய இலங்கை (ஹைலைட்ஸ் விடியோ)
By DIN | Published On : 17th June 2022 11:25 AM | Last Updated : 17th June 2022 11:25 AM | அ+அ அ- |
சமிகா கருணாரத்னே
ஆஸ்திரேலியாவுக்கு எதிரான 2-வது ஒருநாள் ஆட்டத்தை 26 ரன்கள் வித்தியாசத்தில் வென்றது இலங்கை அணி.
பல்லேகலேவில் நடைபெற்ற ஆட்டத்தில் முதலில் பேட்டிங் செய்த இலங்கை அணி, 47.4 ஓவர்களில் 9 விக்கெட் இழப்புக்கு 220 ரன்கள் எடுத்தது. குசால் மெண்டிஸ் அதிகபட்சமாக 36 ரன்கள் எடுத்தார்.
மழை காரணமாக ஆஸி. அணிக்கு 43 ஓவர்களில் 216 ரன்கள் இலக்கு நிர்ணயிக்கப்பட்டது. 4 விக்கெட் இழப்புக்கு 123 ரன்கள் என்கிற நல்ல நிலைமையில் இருந்த ஆஸ்திரேலிய அணிக்கு இலங்கை பந்துவீச்சாளர்கள் நெருக்கடி அளித்தார்கள். கடைசியில் 37.1 ஓவர்களில் 189 ரன்களுக்கு அனைத்து விக்கெட்டுகளையும் இழந்து 26 ரன்கள் வித்தியாசத்தில் (டி/எல் முறையில்) தோல்வியடைந்தது ஆஸ்திரேலிய அணி. கடைசி 5 விக்கெட்டுகளை 19 ரன்களுக்கு இழந்ததால் இந்த நிலை ஏற்பட்டது. 1998-க்குப் பிறகு இப்போது தான் இலக்கை விரட்டும்போது குறைந்த ரன்களுக்கு 5 விக்கெட்டுகளை இழந்துள்ளது. சமிகா கருணாரத்னே 3 விக்கெட்டுகளை வீழ்த்தி ஆட்ட நாயகன் விருதை வென்றார்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
