செய்தி மடல்
இ-பேப்பர்
ஆஸ்திரேலிய ஒருநாள் அணியின் கேப்டனாக வேகப்பந்து வீச்சாளர் பேட் கம்மின்ஸ் நியமிக்கப்பட்டுள்ளார்.
ஒருநாள் கிரிக்கெட்டிலிருந்து ஓய்வு பெறுவதாக ஆஸ்திரேலிய டி20, ஒருநாள் அணிகளின் கேப்டன் ஆரோன் ஃபிஞ்ச் கடந்த மாதம் அறிவித்தார். 35 வயது ஃபிஞ்ச், ஆஸி. அணிக்காக 2011 முதல் 5 டெஸ்டுகள், 146 ஒருநாள், 100 டி20 ஆட்டங்களில் விளையாடியுள்ளார். ஆஸ்திரேலிய டி20 அணியின் கேப்டனாக உள்ளார். ஒருநாள் கிரிக்கெட்டிலிருந்து ஓய்வு பெற்றாலும் டி20 கிரிக்கெட்டில் தொடர்ந்து விளையாடுவேன் என்று அவர் அறிவித்தார். கடந்த வருடம் நடைபெற்ற டி20 உலகக் கோப்பைப் போட்டியில் ஃபிஞ்ச் தலைமையிலான ஆஸி. அணி சாம்பியன் பட்டம் வென்றது.
இதையடுத்து ஆஸ்திரேலிய ஒருநாள் அணியின் கேப்டனாக பேட் கம்மின்ஸ் நியமிக்கப்பட்டுள்ளார். டெஸ்ட் கேப்டனாகவும் கம்மின்ஸ் உள்ளதால் 2023 ஒருநாள் உலகக் கோப்பைப் போட்டிக்கு முன்பு ஆஸ்திரேலியா விளையாடும் அனைத்து ஒருநாள் ஆட்டங்களிலும் கம்மின்ஸ் விளையாடுவது சாத்தியமில்லை. 2023 ஒருநாள் உலகக் கோப்பைக்கு முன்பு 14 ஒருநாள், 15 டெஸ்டுகளில் ஆஸ்திரேலிய அணி விளையாடவுள்ளது. இதனால் கம்மின்ஸுக்கு உதவுவதற்காக தலைமைப்பண்பு கொண்ட ஒரு குழுவை அமைக்கவுள்ளது கிரிக்கெட் ஆஸ்திரேலியா. துணை கேப்டனாக ஒருவரை நியமிப்பதற்குப் பதிலாக கம்மின்ஸ் விளையாடாத ஒருநாள் ஆட்டங்களில் ஆஸி. அணிக்குத் தலைமை தாங்க சில வீரர்கள் கொண்ட ஒரு குழு அமைக்கப்படவுள்ளது. அவர்களில் ஒருவர் கம்மின்ஸ் விளையாடாத ஒருநாள் ஆட்டங்களில் கேப்டனாகச் செயல்படுவார். இந்தக் குழுவில் டேவிட் வார்னரும் இடம்பெறுவார் என எதிர்பார்க்கப்படுகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
