யு.எஸ். ஓபன்: இறுதிச்சுற்றில் மோதும் வீராங்கனைகள்!

யு.எஸ். ஓபன் போட்டியில் இறுதிச்சுற்றுக்குப் பிரபல வீராங்கனைகளான ஸ்வியாடெக், ஆன்ஸ் ஜபேர் ஆகியோர் தகுதியடைந்துள்ளார்கள்.    
ஸ்வியாடெக்
ஸ்வியாடெக்

யு.எஸ். ஓபன் போட்டியில் இறுதிச்சுற்றுக்குப் பிரபல வீராங்கனைகளான ஸ்வியாடெக், ஆன்ஸ் ஜபேர் ஆகியோர் தகுதியடைந்துள்ளார்கள்.    

யு.எஸ். ஓபன் மகளிர் ஒற்றையர் பிரிவு அரையிறுதியில் ஸ்வியாடெக் - அரினா சபலேன்கா, ஆன்ஸ் ஜபேர் -  கரோலினா கார்சியா இடையிலான மோதல் நடைபெற்றது.

பிரெஞ்சு ஓபன் போட்டியை இருமுறை வென்ற ஸ்வியாடெக் 3-6, 6-1, 6-4  என்ற செட் கணக்கில் சபலேன்காவை வீழ்த்தினார். முதல்முறையாக யு.எஸ். ஓபன் இறுதிச்சுற்றுக்கு முன்னேறியுள்ளார்.

ஆன்ஸ் ஜபேர்,  6-1, 6-3 என்ற நேர் செட்களில் கரோலினா கார்சியாவை வீழ்த்தினார். இதன்மூலம் கிராண்ட் ஸ்லாம் போட்டியின் இறுதிச்சுற்றுக்கு இருமுறை தகுதியடைந்த முதல் ஆப்பிரிக்க வீராங்கனை என்கிற பெருமையை அவர் அடைந்துள்ளார். கடந்த ஜூலையில் விம்பிள்டன் இறுதிச்சுற்றுக்கு முன்னேறினார். 
 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com