இந்தியாவுக்கு எதிரான டி20 தொடரில் விளையாடவுள்ள ஆஸ்திரேலிய அணி அறிவிக்கப்பட்டுள்ளது.
இந்தியாவுக்குச் சுற்றுப்பயணம் செய்து 3 டி20 ஆட்டங்களில் விளையாடவுள்ளது ஆஸ்திரேலிய அணி. டி20 தொடர் செப்டம்பர் 20-ல் தொடங்கி 25-ல் முடிவடைகிறது. மொஹலி, நாகபுரி, ஹைதராபாத் ஆகிய நகரங்களில் டி20 ஆட்டங்கள் நடைபெறவுள்ளன.
டி20 தொடருக்கான இந்திய அணி அறிவிக்கப்பட்ட நிலையில் தற்போது ஆஸ்திரேலிய அணியும் அறிவிக்கப்பட்டுள்ளது. ஆரோன் ஃபிஞ்ச் தலைமையிலான அணியில் மிட்செல் ஸ்டார்க், மிட்செல் மார்ஷ், மார்கஸ் ஸ்டாய்னிஸ் ஆகிய முக்கிய வீரர்களுக்குச் சிறு காயங்கள் காரணமாக ஓய்வளிக்கப்பட்டுள்ளது. நாதன் எல்லிஸ், டேனியல் சாம்ஸ், ஷான் அபாட் ஆகிய வீரர்களுக்கு வாய்ப்பளிக்கப்பட்டுள்ளது. டேவிட் வார்னருக்கும் ஓய்வளிக்கப்பட்டுள்ள நிலையில் கேம்ரூன் க்ரீன், அறிமுக வீரர் டிம் டேவிட் ஆகியோர் அணியில் இடம்பெற்றுள்ளார்கள்.
ஆஸ்திரேலிய அணி
ஆரோன் ஃபிஞ்ச் (கேப்டன்), டிம் டேவிட், ஸ்டீவ் ஸ்மித், மேத்யூ வேட், கேம்ரூன் கிரீன், கிளென் மேக்ஸ்வெல், பேட் கம்மின்ஸ், ஷான் அபாட், ஆஷ்டன் அகர், நாதன் எல்லிஸ், ஜோஷ் ஹேஸில்வுட், ஜோஷ் இங்லிஷ், கேன் ரிச்சர்ட்சன், டேனியல் சாம்ஸ், ஆடம் ஸாம்பா.