ஆசிய சாம்பியன்ஸ் கோப்பை ஹாக்கி போட்டியில் பாகிஸ்தானை 3-1 என்ற கோல் கணக்கில் மலேசியா வென்றது.
7வது ஆசிய ஆடவர் ஹாக்கி போட்டி சென்னையில் இன்று (ஆக. 3) முதல் 12ஆம் தேதி வரை நடைபெறுகிறது. இதில் இந்தியா, சீனா, பாகிஸ்தான் உள்ளிட்ட 6 நாடுகள் பங்கேற்றுள்ளன.
முதல் நாளான இன்று, 3 போட்டிகள் நடைபெறுகின்றன. முதல் போட்டியில் தென்கொரியா - ஜப்பான் அணிகள் மோதின. இதில் தென்கொரியா வென்றது.
இரண்டாவது போட்டியில், பாகிஸ்தான் - மலேசியா அணிகள் மோதின. ஆட்டத்தின் தொடக்கம் முதலே மலேசியா அதிரடியாக விளையாடியது.
ஆட்டத்தின் பாதியில் 2 - 0 என்ற புள்ளிக் கணக்கில் மலேசியா அணி முன்னிலை வகித்தது. அதன்பிறகு தொடங்கிய இரண்டாவது பாதி ஆட்டத்தில் பாகிஸ்தான் அணி போராடி ஒரு புள்ளி எடுத்தது.
எனினும் ஆட்டத்தின் முடிவில் மலேசியா அணி 3 - 1 என்ற கோல் கணக்கில் பாகிஸ்தானை வென்றது.