ஆசிய கோப்பை கிரிக்கெட் போட்டிக்காக அறிவிக்கப்பட்டுள்ள இந்திய அணி தொடா்பான விவாதங்களை தவிா்க்குமாறு இந்திய கிரிக்கெட் முன்னாள் நட்சத்திரம் சுனில் காவஸ்கா் கூறினாா். இந்த ஆசிய கோப்பை அணியிலிருந்தே உலகக் கோப்பை போட்டிக்கான அணி தோ்வு செய்யப்பட வேண்டும் என்றும் அவா் தெரிவித்தாா்.
ஆசிய கோப்பை போட்டிக்கான அணியில் யுஜவேந்திர சஹல், ரவிச்சந்திரன் அஸ்வின் ஆகியோா் விடுபட்டது தொடா்பாக பல்வேறு தரப்பினரும் கேள்வி எழுப்பி வருகின்றனா். இதுதொடா்பாக அணி நிா்வாகத்தின் தரப்பில் விளக்கமும் அளிக்கப்பட்டது.
இந்நிலையில், இந்த விவகாரம் தொடா்பாக சுனில் காவஸ்கா் செவ்வாய்க்கிழமை கூறியதாவது:
ஆசிய கோப்பை போட்டிக்கான அணியில் இடம் பிடித்த வீரா்கள் மகிழ்ச்சியில் இருக்க, வேறு சில வீரா்கள் தோ்வு செய்யப்படவில்லை. தற்போது அணி இறுதி செய்யப்பட்டுவிட்டது. எனவே, அஸ்வின் உள்பட தோ்வு செய்யப்படாத வீரா்கள் குறித்து பேசி சா்ச்சைகளை உருவாக்க வேண்டாம். தற்போது தோ்வு செய்யப்பட்டிருப்பதும் நமது இந்திய அணி தான்.
அந்த அணி பிடிக்கவில்லை என்றால் அதன் ஆட்டங்களைப் பாா்க்காதீா்கள். அதைவிடுத்து, அணியில் இவா் இருந்திருக்கலாம், அவரை சோ்த்திருக்கலாம் என தற்போது கருத்து தெரிவிக்காதீா்கள். அணிக்கான வீரா்கள் தோ்வு நியாயமாக நடந்திருப்பதாகவே நம்புகிறேன்.
தற்போது இருக்கும் அணி உலகக் கோப்பை போட்டியை வெல்லக் கூடிய திறன் படைத்தது. தனக்கு அநியாயம் இழைக்கப்பட்டுவிட்டதாக எந்தவொரு வீரரும் கூற இயலும் என நான் நினைக்கவில்லை. அனுபவமிக்க, தகுந்த ஃபாா்மில் உள்ள வீரா்களையே அணியில் சோ்த்திருக்கின்றனா்.
ஆசிய கோப்பை வெல்வது முக்கியமானது தான். ஆனால், உலகக் கோப்பையே முக்கியமான இலக்கு. எனவே அதற்கான திட்டமாக, உடல் அசௌகா்யத்துடன் இருந்தாலும் கே.எல்.ராகுலை ஆசிய கோப்பை போட்டியில் சோ்த்து, அவரின் ஆட்டத் தயாா்நிலையை பரிசோதிப்பது அவசியமானதே. எஞ்சியிருக்கும் நாள்களில் அவா் அதிலிருந்து மீண்டு விடுவாா்.
தற்போதுள்ள இந்த ஆசிய கோப்பை போட்டிக்கான அணியில் இருந்தே உலகக் கோப்பை போட்டிக்கான அணியையும் தோ்வு செய்ய வேண்டும் என்று சுனில் காவஸ்கா் கூறினாா்.
யுஜவேந்திர சஹலுக்கு இந்திய அணியில் வாய்ப்பளித்திருக்க வேண்டும். அவா், ஆட்டத்தை வென்று தரக் கூடிய திறமை கொண்ட பௌலா். ஆஸ்திரேலிய அணியினா் குல்தீப் யாதவ் பௌலிங்கை மிகத் திறமையாகவே கையாண்டனா். அதேபோல் அஸ்வினும் 500-600 விக்கெட்டுகள் சாய்த்தவா். விக்கெட்டுகளை எப்படி வீழ்த்த வேண்டும் என்ற நுட்பம் அறிந்தவா். உலக டெஸ்ட் சாம்பியன்ஷிப் இறுதி ஆட்டத்திலேயே அவரை அணி நிா்வாகம் பயன்படுத்திக் கொள்ளவில்லை. காயத்திலிருந்து மீண்டுள்ள வீரா்களின் (கே.எல்.ராகுல், ஷ்ரேயஸ் ஐயா்) உடல்தகுதியை கவனத்தில் கொள்ள வேண்டும். காயமானது உளவியல் ரீதியாகவும் வீரா்களுக்கு தாக்கத்தை ஏற்படுத்தக் கூடியது- மதன் லால் (முன்னாள் இந்திய வீரா்)
ஆசிய மற்றும் உலகக் கோப்பை போட்டிகளுக்கு அஸ்வின் தோ்வு செய்யப்பட்டிருக்க வேண்டும். இந்திய ஆடுகளங்களுக்கு அவா் பொருத்தமான வீரா். சா்வதேச கிரிக்கெட்டில் 712 விக்கெட்டுகள் சாய்த்த பிறகும், இன்னும் அவா் வேறென்ன நிரூபிக்க வேண்டியுள்ளது? மூத்த வீரராக இருந்தும் அவா் முறையாக நடத்தப்படவில்லை. அதேபோல், திலக் வா்மாவுக்குப் பதிலாக யஷஸ்வி ஜெய்ஸ்வாலை தோ்வு செய்திருக்க வேண்டும். அவா் மேற்கிந்தியத் தீவுகளில் நன்றாக விளையாடினாா். அணி நிா்வாகம் நினைக்கும் அளவுக்கு திலக் வா்மா சிறப்பாக செயல்படவில்லை. கிடைத்த வாய்ப்பை அவா் பயன்படுத்துவாா் என நம்புவோம். - கா்சன் கவ்ரி (முன்னாள் இந்திய வீரா்)
ஒரு நாள் கிரிக்கெட்டில் விளையாடுவதற்கான தன்னம்பிக்கையுடன் உள்ளேன். லிஸ்ட் ஏ கிரிக்கெட்டில் சிறப்பாக ஆடியிருப்பதால், இதிலும் அதுபோன்ற ஆட்டத்தை வெளிப்படுத்தும் நம்பிக்கையுடன் இருக்கிறேன். ஆசிய கோப்பை போட்டியின் மூலமாக நேரடியாக சா்வதேச கிரிக்கெட்டில் களம் காண்பேன் என எதிா்பாா்க்கவில்லை. இது எனக்கான மிகப்பெரிய வாய்ப்பு - திலக் வா்மா (இந்திய வீரா்)