ஆஸ்திரேலிய ஓபன் போட்டியில் பிரபல வீரர் நடால் 2-வது சுற்றிலேயே தோல்வியடைந்து வெளியேறியுள்ளார்.
ஆஸ்திரேலிய ஓபன் போட்டியின் நடப்பு சாம்பியன் நடால், 2-வது சுற்றில் அமெரிக்காவின் மெக்கன்ஸி மெக்டொனால்டை எதிர்கொண்டார். நடால் 4-6, 3-5 எனப் பின்தங்கியிருந்தபோது அவருடைய காலில் காயம் உண்டானது. இதனால் சிகிச்சை மேற்கொண்டார். இதன்பிறகு முழு உடற்தகுதியில் இல்லாதபோதும் தொடர்ந்து விளையாடினார். இறுதியில், நடாலை 6-4, 6-4, 7-5 என வீழ்த்தி 3-வது சுற்றுக்கு முன்னேறினார் மெக்டொனால்ட்.