உலகக் கோப்பையில் மிட்செல் ஸ்டார்க் சாதனையை சமன் செய்த முகமது ஷமி!

உலகக் கோப்பையில் ஆஸ்திரேலிய அணியின் வேகப் பந்துவீச்சாளர் மிட்செல் ஸ்டார்க்கின் சாதனையை இந்திய அணியின் வேகப் பந்துவீச்சாளர் முகமது ஷமி சமன் செய்தார்.

உலகக் கோப்பையில் மும்பை வான்கடே மைதானத்தில் நடைபெற்ற நேற்றையப் போட்டியில் இந்தியா மற்றும் இலங்கை அணிகள் மோதின. இந்தப் போட்டியில் இந்திய அணி 302 ரன்கள் வித்தியாசத்தில் அபார வெற்றி பெற்றது. இந்தப் போட்டியில் இந்திய அணியின் முகமது ஷமி அபார பந்துவீச்சை வெளிப்படுத்தினார். 5 ஓவர்கள் வீசிய முகமது ஷமி வெறும் 18 ரன்களை மட்டுமே விட்டுக் கொடுத்து 5 விக்கெட்டுகளைக் கைப்பற்றினார்.

இதையும் படிக்க: லக்னௌ அணியிலிருந்து மும்பை இந்தியன்ஸ் அணிக்கு விற்கப்பட்ட மே.இ.தீவுகள் ஆல்ரவுண்டர்!

இந்த உலகக் கோப்பையில் முகமது ஷமியின் இரண்டாவது 5  விக்கெட்டுகள் இதுவாகும். மொத்தமாக ஒருநாள் உலகக் கோப்பை போட்டிகளில் 3-முறை 5 விக்கெட்டுகளை ஷமி வீழ்த்தியுள்ளார்.

இதன்மூலம், ஒருநாள் உலகக் கோப்பைப் போட்டிகளில் அதிக முறை 5 விக்கெட்டுகள் வீழ்த்தியுள்ள ஆஸ்திரேலிய வீரர் மிட்செல் ஸ்டார்க்கின் சாதனையை முகமது ஷமி சமன் செய்துள்ளது குறிப்பிடத்தக்கது.