டாப் ஆர்டர் விக்கெட்டுகளை வீழ்த்தி அறிமுகப் போட்டியிலேயே அசத்திய இங்கிலாந்து வீரர்!

உலகக் கோப்பையில் களமிறங்கிய அறிமுகப் போட்டியிலேயே 4 விக்கெட்டுகளைக் கைப்பற்றி இங்கிலாந்து வீரர் ரீஸ் டாப்ளே அசத்தியுள்ளார்.

உலகக் கோப்பையில் வங்கதேசத்துக்கு எதிரான இன்றையப் போட்டியில் இங்கிலாந்து 137 ரன்கள் வித்தியாசத்தில் அபார வெற்றி பெற்றது. இந்த வெற்றியின் மூலம், தனது வெற்றிக் கணக்கையும் தொடங்கியது இங்கிலாந்து. இந்தப் போட்டியில் இங்கிலாந்து அணிக்காக உலகக் கோப்பையில் அறிமுக வீரராக களமிறங்கிய ரீஸ் டாப்ளே அபாரமாக பந்துவீசி வங்கதேச அணியின் டாப் ஆர்டர் பேட்ஸ்மேன்களை வெளியேற்றினார்.

இதையும் படிக்க: வங்கதேசத்தை வீழ்த்தி இங்கிலாந்து அபார வெற்றி!

இதனால், இங்கிலாந்து அணிக்கு வெற்றி என்பது மேலும் எளிமையானது. வங்கதேசத்தின் டாப் ஆர்டர் பேட்ஸ்மேன்களான தன்சித் ஹாசன் (1 ரன்), நஜ்முல் ஹொசைன் ஷாண்டோ (0 ரன்) மற்றும் ஷகிப் அல் ஹசன் (1 ரன்) ஆட்டமிழக்கச் செய்து பெவிலியனுக்கு அனுப்பினார். 

சிறப்பாக பந்துவீசிய ரீஸ் டாப்ளே 10 ஓவர்களில் 43 ரன்கள் கொடுத்து 4 விக்கெட்டுகளை வீழ்த்தியது குறிப்பிடத்தக்கது.

உலகக் கோப்பை அறிமுகப் போட்டியில் அசத்திய இங்கிலாந்து பந்துவீச்சாளர்கள்

ஸ்டீவன் ஃபின் - 5/71 - ஆஸ்திரேலியாவுக்கு எதிராக, 2015
ஜேம்ஸ் ஆண்டர்சன் - 4/25 - நெதர்லாந்துக்கு எதிராக, 2003
ஆலன் முல்லாளி - 4/37 - இலங்கைக்கு எதிராக, 1999
ரீஸ் டாப்ளே - 4/43 - வங்கதேசத்துக்கு எதிராக, 2023
ஜேம்ஸ் டிரெட்வெல் - 4/48 - மே.இ.தீவுகளுக்கு எதிராக, 2011.