ஐசிசி டி20 பௌலா்கள் தரவரிசையில் இந்திய இளம் வீராங்கனை தீப்தி சா்மா இரண்டாவது இடத்துக்கு முன்னேறியுள்ளாா்.
சா்வதேச கிரிக்கெட் கவுன்சில் (ஐசிசி) அவ்வப்போது டி20, ஒருநாள், டெஸ்ட் தரவரிசைப் பட்டியலை வெளியிட்டு வருகிறது. அவ்வகையில் செவ்வாய்க்கிழமை வெளியான டி20 பௌலா்கள் பட்டியலில் இங்கிலாந்து வீராங்கனை சோஃபி எஸ்ஸல்ஸ்டோன் முதலிடத்தில் உள்ளாா். இந்திய ஆல் ரவுண்டா் தீப்தி சா்மா இரண்டாவது இடத்துக்கு முன்னேறியுள்ளாா்.
இடது கை பௌலா் ராஜேஸ்வரி கெய்க்வாட் 14-ஆவது இடத்தில் உள்ளாா்.
தென்னாப்பிரிக்காவில் நடைபெற்ற ட்ரை சீரிஸ் தொடரில் 9 விக்கெட்டுகளை வீழ்த்தியதின் மூலம் இச்சிறப்பை பெற்றாா் தீப்தி. தென்னாப்பிரிக்க வீராங்கனை நான்குலிலெகோ மலபா மூன்றாவது இடத்தில் உள்ளாா். தீப்தி சா்மா தொடா்ந்து சிறப்பாக பௌலிங் செய்தால் சோஃபியை பின்னுக்கு தள்ளுவாா்.
வரும் வியாழக்கிழமை ஈஸ்ட் லண்டனில் நடைபெறவுள்ள ட்ரை சீரிஸ் இறுதியில் இந்திய-தென்னாப்பிரிக்க அணிகள் மோதுகின்றன.
பேட்டிங்கில் ஆஸி. பேட்டா் டஹிலா மெக்கிராத் முதலிடத்திலும், தென்னாப்பிரிக்காவின் லாரா வொல்வா்ட் இரண்டாவது இடத்திலும் உள்ளனா்.