செய்தி மடல்
இ-பேப்பர்
மகளிர் டி20 உலகக் கோப்பைப் போட்டியில் சிறப்பாக விளையாடிய வீராங்கனைகளைக் கொண்டு ஓர் அணியைத் தேர்வு செய்துள்ளது ஐசிசி அமைப்பு.
தென்னாப்பிரிக்காவில் நடைபெற்ற 8-ஆவது மகளிர் டி20 உலகக் கோப்பை கிரிக்கெட்டில் நடப்பு சாம்பியனான ஆஸ்திரேலியா இறுதி ஆட்டத்தில் 19 ரன்கள் வித்தியாசத்தில் தென்னாப்பிரிக்காவை வீழ்த்தி கோப்பையைத் தக்கவைத்துக் கொண்டது. முதலில் பேட்டிங் செய்த ஆஸ்திரேலிய அணி, 20 ஓவர்களில் 6 விக்கெட் இழப்புக்கு 156 ரன்கள் எடுத்தது. அடுத்து பேட்டிங் செய்த தென்னாப்பிரிக்க அணி, 20 ஓவர்களில் 6 விக்கெட் இழப்புக்கு 137 ரன்கள் எடுத்துத் தோற்றது.
இது டி20 உலகக் கோப்பையில் ஆஸ்திரேலிய அணிக்குக் கிடைத்த 6-வது சாம்பியன் பட்டமாகும். கடந்த 2018, 2020-ம் ஆண்டு போட்டிகளில் வாகை சூடிய ஆஸ்திரேலியா, தொடர்ந்து 3-வது முறையாக (ஹாட்ரிக்) தற்போதும் கோப்பையை வென்றிருக்கிறது. அந்த அணி இவ்வாறு ஹாட்ரிக் கோப்பை வெல்வது இது 2-வது முறையாகும். இதற்கு முன் 2010, 2012, 2014 ஆகிய ஆண்டுகளிலும் அந்த அணி தொடர்ந்து சாம்பியனானது குறிப்பிடத்தக்கது. ஆஸி. மகளிர் அணி கேப்டன் மெக் லேனிங், 2014, 2018, 2020, 2023 ஆகிய ஆண்டுகளில் டி20 உலகக் கோப்பையையும் 2022 ஒருநாள் உலகக் கோப்பையையும் வென்று அதிக ஐசிசி பட்டங்களை (5) வென்ற கேப்டன் என்கிற சாதனையைப் படைத்துள்ளார். அடுத்த இடங்களில் 4 ஐசிசி கோப்பைகளுடன் ரிக்கி பாண்டிங்கும் 3 ஐசிசி கோப்பைகளுடன் தோனியும் உள்ளார்கள்.
இந்நிலையில் டி20 உலகக் கோப்பைப் போட்டியில் சிறப்பாக விளையாடிய வீராங்கனைகளைக் கொண்டு ஓர் அணியை அறிவித்துள்ளது ஐசிசி.
டி20 உலகக் கோப்பை: ஐசிசி அணியில் இடம்பெற்ற வீராங்கனைகள்
1. பிரிட்ஸ் (தெ.ஆ)
2. அலிஸா ஹீலி (ஆஸ்திரேலியா, விக்கெட் கீப்பர்)
3. லாரா வோல்வார்ட் (தெ.ஆ.)
4. நாட் சிவர் பிரண்ட் (இங்கிலாந்து, கேப்டன்)
5. ஆஷ் கார்ட்னர் (ஆஸ்திரேலியா)
6. ரிச்சா கோஷ் (இந்தியா)
7. சோஃபி எக்லஸ்டோன் (இங்கிலாந்து)
8. கரிஷ்மா (மே.இ. தீவுகள்)
9. ஷப்னிம் (தெ.ஆ.)
10. டார்சி பிரெளன் (ஆஸ்திரேலியா)
11. மேகன் ஷுட் (ஆஸ்திரேலியா)
12-வது வீராங்கனை - பிரண்டர்காஸ்ட் (அயர்லாந்து)
Related Article
அதிக டெஸ்ட் ரன்கள்: நியூசிலாந்துக்குப் பெருமை சேர்க்கும் வில்லியம்சன்
ஸ்டெஃபி கிராஃபின் சாதனையை முறியடித்த ஜோகோவிச்
அப்படி எண்ணியிருந்தால் நான் ஐந்து டெஸ்டுகளில் தான் விளையாடியிருப்பேன்: ஸ்டார்க்
ஐபிஎல் போட்டியில் பும்ரா விளையாடுவது சந்தேகம்!
இங்கிலாந்துக்கு நெருக்கடி அளித்துள்ள நியூசிலாந்து: கேன் வில்லியம்சன் சதம்!
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.