அஸ்வின் பந்துவீச்சை எதிர்கொள்வது எப்படி?: புதிய திட்டத்துடன் பிரபல ஆஸி. வீரர்

ஆஸ்திரேலிய அணி இந்தியாவுக்குச் சுற்றுப்பயணம் செய்து 4 டெஸ்டுகள், 3 ஒருநாள் ஆட்டங்களில் விளையாடுகிறது. டெஸ்ட் தொடர், பிப்ரவரி 9 முதல் தொடங்குகிறது. இந்த டெஸ்ட் தொடரில் விளையாடும் ஆஸ்திரேலிய அணி சமீபத்தில் அறிவிக்கப்பட்டது.

இந்நிலையில் இந்தியாவுக்கு எதிரான டெஸ்ட் தொடர் பற்றியும் அஸ்வினை எதிர்கொள்வது பற்றியும் பிரபல ஆஸி. பேட்டர் மார்னஸ் லபுஷேன் கூறியதாவது:

கடைசியாக விளையாடிய டெஸ்ட் தொடரிலிருந்து அஸ்வினுக்கு எதிராக எப்படி விளையாடுவது என யோசித்துக் கொண்டிருக்கிறேன். அஸ்வினைப் பற்றி கேள்விப்பட்டதை வைத்தும் அவர் எனக்குப் பந்துவீசியதை வைத்தும் என்னுடைய ஆட்டமுறைகளை மாற்றிக்கொண்டுள்ளேன். அஸ்வினின் சில உத்திகளை வீழ்த்தும் விதத்தில் என்னுடைய ஆட்டத்தைச் சரிப்படுத்தியுள்ளேன். ஒரு செஸ் ஆட்டம் போல எங்களுடைய மோதல் இருக்கப்போகிறது. இதற்காக நான் காத்திருக்கிறேன் என்றார். 

புகழ்பெற்ற 2020-21 டெஸ்ட் தொடரில் லபுஷேனின் விக்கெட்டுகளை ஆறு இன்னிங்ஸ்களில் இருமுறை வீழ்த்தியுள்ளார் அஸ்வின்.