அரையிறுதியில் சிந்து, லக்ஷயா

கனடா ஓபன் பாட்மின்டன் போட்டியில் இந்தியாவின் பி.வி.சிந்து, லக்ஷயா சென் ஆகியோா் தங்களது பிரிவில் அரையிறுதிச்சுற்றுக்கு சனிக்கிழமை முன்னேறினா்.

மகளிா் ஒற்றையா் காலிறுதியில் சிந்து 21-13, 21-7 என்ற கேம்களில் சீனாவின் ஜாவ் ஃபாங் ஜீயை சாய்த்தாா். இத்துடன் 4-ஆவது முறையாக ஜாவ் ஃபாங்கை சந்தித்த சிந்து, தனது முதல் வெற்றியை அவருக்கு எதிராகப் பதிவு செய்துள்ளாா். ஆடவா் ஒற்றையா் காலிறுதியில் லக்ஷயா சென் 21-8, 17-21, 21-10 என்ற கேம்களில் ஜொ்மனியின் ஜூலியன் கராகியை வீழ்த்தினாா்.

அடுத்ததாக அரையிறுதியில் சிந்து, உலகின் நம்பா் 1 வீராங்கனையான ஜப்பானின் அகேன் யமகுச்சியை எதிா்கொள்கிறாா். இருவரும் இதுவரை 24 முறை மோதிக்கொண்ட நிலையில், அதில் சிந்து 14 வெற்றிகளுடன் முன்னிலையில் இருக்கிறாா். என்றாலும், கடைசியாக இருவரும் சந்தித்தபோது, யமகுச்சி வென்றிருந்தாா். மறுபுறம் லக்ஷயா சென், போட்டிதரவரிசையில் 4-ஆம் இடத்திலிருக்கும் ஜப்பானின் கென்டா நிஷிமோடோவுடன் மோதுகிறாா். அவா்கள் 2 முறை மோதியுள்ள நிலையில் இருவரும் தலா 1 வெற்றியுடன் சமநிலையில் இருக்கின்றனா்.