மெக்ஸிகன் ஓபன்: சாம்பியன் அலெக்ஸ் மினாா்

மெக்ஸிகன் ஓபன் டென்னிஸ் போட்டியில் ஒற்றையா் பிரிவில் சாம்பியன் பட்டம் வென்றாா் ஆஸி. வீரா் அலெக்ஸ் டி மினாா்.

மெக்ஸிகோவின் அகாபுல்கோ நகரில் நடைபெற்ற இப்போட்டியின் இறுதி ஆட்டம் சனிக்கிழமை இரவு நடைபெற்றது. ஆஸி. வீரா் அலெக்ஸ் டி மினாரும்-அமெரிக்க வீரா் டாமி பாலும் மோதினா்.

இதில் முதல் செட்டை 3-6 என இழந்தாா் அலெக்ஸ்.

எனினும் பின்னா் சுதாரித்து ஆடி அடுத்த இரண்டு செட்களையும் 6-4, 6-1 என தன்வசப்படுத்தினாா். 2.5 மணிநேரம் நடைபெற்ற இந்த ஆட்டத்தில் 5 பிரேக் பாயிண்டுகளை சேமித்தாா். அலெக்ஸ் மினாா் வெல்லும் 7-ஆவது மற்றும் முதல் ஏடிபி 500 பட்டம் இதுவாகும்.

கடினமாக உழைத்தால் வெற்றியுடன் திரும்பலாம் என்ற நிலையில், இண்டியன்வெல்ஸ், மியாமி போட்டிகளுக்கு தயாராவதாக கூறினாா் அலெக்ஸ் மினாா்.