செஸ் கேண்டிடேட்ஸ் தொடரை தமிழகத்தைச் சேர்ந்த கிராண்ட்மாஸ்டர் குகேஷ் வென்று அசத்தியுள்ளார்.
உலக சாம்பியனுடன் விளையாட உள்ள வீரரை தேர்வு செய்யும் கேண்டிடேட் செஸ் தொடர் கனடாவில் நடந்தது. டொரண்டோ நகரில் நடந்த இறுதிச் சுற்றில் அமெரிக்காவின் நகமுராவுடன் குகேஷ் மோதினார்.
நகமுராவுடன் மோதிய போட்டி டிரா ஆனதால் 9 புள்ளிகளுடன் முதலிடம் பெற்று குகேஷ் சாம்பியன் ஆனார்.
இதன்மூலம் உலக சாம்பியன்ஷிப் தொடருக்கு முன்னேறிய இளம் வீரர் என்ற சாதனையை குகேஷ் படைத்தார். இதேபோல் மகளிர் பிரிவில் தமிழகத்தைச் சேர்ந்த வைஷாலி புள்ளிப் பட்டியலில் இரண்டாம் இடத்தில் உள்ளார்.
செஸ் கேண்டிடேட்ஸ் தொடரை வென்ற குகேஷுக்கு ஆனந்த் மஹிந்திரா, விஸ்வநாதன் ஆனந்த் உள்ளிட்ட பலர் தங்களது வாழ்த்துக்களை தெரிவித்துள்ளனர்.