உலகக் கோப்பையில் புதிய சாதனை படைத்த இந்தியா!

டி20 உலகக் கோப்பை தொடரில் இந்திய கிரிக்கெட் அணி புதிய சாதனையை படைத்துள்ளது.

அமெரிக்காவில் நடைபெற்று வரும் ஆடவர் டி20 உலகக் கோப்பை தொடரின் லீக் ஆட்டத்தில் பாகிஸ்தானை ஞாயிற்றுக்கிழமை இரவு இந்தியா எதிர்கொண்டது.

இந்தப் போட்டியில் 6 ரன்கள் வித்தியாசத்தில் பாகிஸ்தானை வீழ்த்தி இந்திய அணி கடைசி ஓவரில் த்ரில் வெற்றி பெற்றது.

இந்த வெற்றியின் மூலம் டி20 உலகக் கோப்பை தொடரில் ஒரு அணிக்கு எதிராக அதிக முறை வெற்றியை பதிவு செய்த அணி என்ற சாதனையை இந்தியா படைத்துள்ளது.

டி20 உலகக் கோப்பை தொடரில் இதுவரை பாகிஸ்தானை 7 முறை வீழ்த்தி முதலிடத்தில் உள்ளது. பாகிஸ்தான் (வங்கதேசத்துக்கு எதிராக 6 வெற்றி), இலங்கை (மேற்கிந்திய தீவுகள் எதிராக 6 வெற்றி) அடுத்தடுத்த இடங்களில் உள்ளன.