இந்தியா- இங்கிலாந்து மோதும் 5வது டெஸ்ட் போட்டியில் ஜெய்ஸ்வால் புதிய சாதனை நிகழ்த்தியுள்ளார்.
இங்கிலாந்துக்கு எதிராக திக ரன்கள் அடித்த இந்தியர்கள் பட்டியலில் கோலியை முந்தி ஜெய்ஸ்வால் சாதனைப் படைத்துள்ளார்.
இந்தியா - இங்கிலாந்து அணிகள் மோதும் டெஸ்ட் தொடரில் இத்துடன் 4 ஆட்டங்கள் நிறைவடைந்திருக்கும் நிலையில், இந்தியா 3-1 என தொடரைக் கைப்பற்றி முன்னிலை வகிக்கிறது. கடைசி ஆட்டம் தா்மசாலாவில் இன்று (மாா்ச் 7) தொடங்கியது.
டாஸ் வென்ற இங்கிலாந்து பேட்டிங்கினைத் தேர்வு செய்தது. 57.4 ஓவர்களில் 218 க்கு ஆல் அவுட்டானது. இந்திய சுழல்பந்து வீச்சாளர்கள் குல்தீப் யாதவ் 5, அஸ்வின் 4, ஜடேஜா 1 என விக்கெட்டுகள் எடுத்து அசத்தினார்கள்.
தற்போது இந்தியா பேட்டிங் ஆடிவருகிறது. 15 ஓவர் முடிவில் இந்திய அணி விக்கெட் இழப்பின்றி 72 ரன்கள் எடுத்துள்ளது. மேலும் அதிவேகமாக 1000 ரன்கள் கடந்த இந்தியர்கள் பட்டியலில் (16 இன்னிங்ஸ்) 2வது இடம் வகிக்கிறார் ஜெய்ஸ்வால். வினோத் காம்ளி 14 இன்னிங்ஸுடன் முதலிடத்தில் இருக்கிறார்.
இங்கிலாந்துக்கு எதிராக ஒரு டெஸ்ட் தொடரில் அதிக ரன்கள் அடித்த இந்தியர்கள்:
ஜெய்ஸ்வால் - 700* (2024)
விராட் கோலி- 655 (2016)
ராகுல் திராவிட் - 602 (2022)
விராட் கோலி- 593 (2018)
விஜய் மஞ்சுரேக்கர் - 586 (1961-62)
சுனில் கவாஸ்கர் - 542 (1979)
