ஜிம்பாப்வே - வங்கதேச டி20 தொடருக்கான அட்டவணை அறிவிப்பு!

ஜிம்பாப்வே அணிக்கு எதிரான டி20 தொடருக்கான அட்டவணையை வங்கதேச கிரிக்கெட் வாரியம் வெளியிட்டுள்ளது.

ஜிம்பாப்வே அணி வங்கதேசத்தில் சுற்றுப்பயணம் மேற்கொண்டு 5 போட்டிகள் கொண்ட டி20 தொடரில் விளையாடவுள்ளது. இரு அணிகளுக்கும் இடையேயான இந்த டி20 தொடர் வருகிற மே 3 ஆம் தேதி தொடங்கி மே 12 ஆம் தேதி வரை நடைபெறுகிறது.

இரு அணிகளுக்கும் இடையிலான இந்த டி20 தொடருக்கான அட்டவணையை வங்கதேச கிரிக்கெட் வாரியம் வெளியிட்டுள்ளது.

டி20 போட்டிகள் விவரம்

முதல் டி20 - மே 3, சட்டோகிராம்

2-வது டி20 - மே 5, சட்டோகிராம்

3-வது டி20 - மே 7, சட்டோகிராம்

4-வது டி20 - மே 10, மிர்பூர்

5-வது டி20 - மே 12, மிர்பூர்

உலகக் கோப்பை டி20 தொடருக்கு முன்னதாக நடைபெறும் டி20 தொடர் என்பதால், உலகக் கோப்பை போட்டிகளுக்கு தங்களை தயார் செய்துகொள்ள வங்கதேசத்துக்கு கிடைத்திருக்கும் வாய்ப்பாக இந்தத் தொடர் பார்க்கப்படுகிறது.