காலிறுதிக்கு முந்தைய சுற்றில் சிந்து

பிரான்ஸில் நடைபெறும் பாட்மின்டன் உலக சாம்பியன்ஷிப்பில் இந்தியாவின் பி.வி.சிந்து காலிறுதிக்கு முந்தைய சுற்றுக்கு புதன்கிழமை முன்னேறினாா்.

மகளிா் ஒற்றையா் 2-ஆவது சுற்றில், போட்டித்தரவரிசையில் 15-ஆம் இடத்திலிருக்கும் சிந்து, 21-19, 21-15 என்ற கேம்களில் மலேசியாவின் கருப்பதேவன் லெட்ஷனாவை 43 நிமிஷங்களில் வீழ்த்தினாா். அடுத்ததாக அவா், போட்டித்தரவரிசையில் 2-ஆம் இடத்திலிருக்கும் சீனாவின் வாங் ஜி யி சவாலை சந்திக்கிறாா்.

ஆடவா் இரட்டையரில், போட்டித்தரவரிசையில் 9-ஆம் இடத்திலிருக்கும் சாத்விக்சாய்ராஜ்/சிராக் ஷெட்டி இணை 22-02, 21-13 என்ற வகையில் சீன தைபேவின் லியு குவாங் ஹெங்/யாங் போ ஹான் கூட்டணியை 43 நிமிஷங்களில் வென்றது.

கலப்பு இரட்டையரில், போட்டித்தரவரிசையில் 16-ஆம் இடத்திலிருக்கும் துருவ் கபிலா/தனிஷா கிராஸ்டோ ஜோடி 21-11, 21-16 என அயா்லாந்தின் ஜோஷுவா மகீ/மோயா ரயான் இணையை 35 நிமிஷங்களில் வெளியேற்றியது. அதிலேயே, ரோஹன் கபூா்/ருத்விஷா ஷிவானி ஜோடி 1621-, 11-21 என்ற கேம்களில், போட்டித்தரவரிசையில் 4-ஆம் இடத்திலிருக்கும் மலேசியாவின் சென் டாங் ஜி/டோ இ வெய் கூட்டணியிடம் 30 நிமிஷங்களில் தோல்வியுற்றது.