வரலாறு படைத்த அஸ்மிதா, ஹா்ஷ் சிங்: காமன்வெல்த் ஜூடோவில் முதல் தங்கம்

காமன்வெல்த் விளையாட்டுப் போட்டிகளில், இந்திய ஜூடோ போட்டியாளா்களான அஸ்விதா டே, ஹா்ஷ் சிங் ஆகியோா் வெள்ளிக்கிழமை தங்கப் பதக்கம் வென்று அசத்தினா்.

அத்துடன், இந்திய பளுதூக்குதல் வீரா் லவ்பிரீத் சிங் வெள்ளிப் பதக்கம் வெல்ல, மகளிருக்கான வட்டு எறிதலில் சீமா காளிராம்னா வெண்கலப் பதக்கம் வென்றாா்.

நடப்பு காமன்வெல்த் போட்டிகளில் இத்துடன் இந்தியாவுக்கான தங்கப் பதக்க எண்ணிக்கை 5-ஆக அதிகரித்துள்ளது. பளுதூக்குதலில் மட்டும் இந்தியாவுக்கான பதக்கங்கள் 8-ஆக உயா்ந்துள்ளன.

---

தங்கம் வென்ற முதல் இந்தியா்கள்

ஜூடோவில் மகளிா் 48 கிலோ பிரிவில் அஸ்மிதா டே, ஆடவா் 60 கிலோ பிரிவில் ஹா்ஷ் சிங் ஆகியோா் தங்கப் பதக்கம் வென்று அசத்தினா். இதில், காமன்வெல்த் ஜூடோவில் இந்தியாவுக்காக தங்கம் வென்ற முதல் இந்தியராக அஸ்மிதா வரலாறு படைத்தாா்.

இதில் அஸ்மிதா டே, நேரடியாக காலிறுதியில் விளையாடி, அதில் ஸ்காட்லாந்தின் ஈவா எவிங்கை வீழ்த்தினாா்(100-0). பின்னா் அரையிறுதியில் அதே நாட்டின் சம்மா் ஷாவையும் (1-0) வீழ்த்தி, இறுதிக்கு முன்னேறினாா்.

இறுதியில் அஸ்மிதா 2-1 என்ற கணக்கில் கனடாவின் ஹெய்டி காச்சை தோற்கடித்து சாம்பியன் ஆனாா்.

அதேபோல், ஹா்ஷ் சிங் முதல் சுற்றில் மலாவியின் சிகோன்டி கதிவெராவையும் (100-0), காலிறுதியில் வனாடுவின் ஆலன் மான்துலையும் (102-0) வென்றாா். அரையிறுதியில் ஆஸ்திரேலியாவின் பெட்ரோ காா்லோஸையும் (10-0) வீழ்த்தினாா். பின்னா் இறுதிச்சுற்றில் 10-0 என்ற வகையில், ஆஸ்திரேலியாவின் ஜோஷுவா காட்ஸை வென்றாா். இதன் மூலமாக, காமன்வெல்த் ஜூடோவில் தங்கம் வென்ற இந்தியாவின் முதல் வீரராக அவா் சாதனை படைத்தாா். அவருக்கு இது முதல் காமன்வெல்த் போட்டியாகும்.

இதனிடையே, மகளிா் 57 கிலோ பிரிவில் யாமினி மௌரியா, காலிறுதியில் கானாவின் ஃப்ரெமா அக்யியையும் (100-0), அரையிறுதியில் தென்னாப்பிரிக்காவின் டானா பிரெய்டென்பாக்கையும் (100-0) வென்று, இறுதிக்கு வந்துள்ளாா். அவருக்கும் ஒரு பதக்கம் உறுதியாகியுள்ளது.

1990-இல் காமன்வெல்த் போட்டிகளில் ஜூடோ சோ்க்கப்பட்டது முதல், ஒவ்வொரு எடிஷனிலுமே இந்திய ஜூடோ போட்டியாளா்கள் பதக்கம் வென்று வந்துள்ளனா். எனினும் அதில் தங்கம் வென்றது இதுவே முதல்முறையாகும்.

ஏமாற்றம்: மகளிா் 52 கிலோ பிரிவில் ஷ்ரத்தா சோபடே, முதல் சுற்றில் சியரா லியோனின் ஜேன் மசாகியை வென்றாா் (100-0). எனினும் காலிறுதியில் ஆஸ்திரேலியாவின் டிங்கா ஈட்சனிடம் தோல்வி கண்ட (0-1) அவா், பின்னா் ரெபிசேஜ் சுற்றிலும் வேல்ஸின் லோலா ஹாட்சனிடம் வீழ்ந்தாா் (0-1).

அதேபோல், ஆடவா் 66 கிலோ பிரிவில் ரோஹித் பாசிா், முதல் சுற்றில் மொஸாம்பிக்கின் சாமுவேல் ரிபெய்ரோவை வென்றாா் (100-0). எனினும் காலிறுதியில் சைப்ரஸின் பெட்ரோஸ் கிறிஸ்டோடுலிட்ஸிடமும் (0-1), பின்னா் ரெபிசேஜ் சுற்றில் இங்கிலாந்தின் மைக்கேல் ஃப்ரையரிடமும் தோல்வியுற்றாா்.