டென்னிஸ் உலகத் தரவரிசை- மெத்வதெவ், ரைபகினா ஏற்றம், ஸ்வியாடெக் சறுக்கல்

அமெரிக்காவில் இண்டியன் வெல்ஸ் ஓபன் டென்னிஸ் போட்டி நிறைவடைந்த நிலையில், ஆடவா், மகளிா் உலகத் தரவரிசையில் மாற்றங்கள் நிகழ்ந்துள்ளன.

மெத்வதெவ்

Updated On :17 மார்ச் 2026, 8:04 pm

அமெரிக்காவில் இண்டியன் வெல்ஸ் ஓபன் டென்னிஸ் போட்டி நிறைவடைந்த நிலையில், ஆடவா், மகளிா் உலகத் தரவரிசையில் மாற்றங்கள் நிகழ்ந்துள்ளன.

இதில் ஆடவா் பிரிவில் சாம்பியனான இத்தாலியின் யானிக் சின்னா் (2), மகளிா் பிரிவில் கோப்பை வென்ற பெலாரஸின் அரினா சபலென்கா (1) ஆகியோா் தங்களின் இடத்தில் மாற்றமின்றி தொடா்கின்றனா். அரையிறுதியில் தோல்வி கண்டபோதும் ஸ்பெயினின் காா்லோஸ் அல்கராஸ் நம்பா் 1 இடத்தில் நிலைக்கிறாா்.

எனினும், இறுதிச்சுற்றில் தோற்ற ரஷியாவின் டேனியல் மெத்வதெவ், கஜகஸ்தானின் எலனா ரைபகினா ஆகியோா் தங்கள் பிரிவில் முன்னேற்றம் கண்டுள்ளனா். மெத்வதெவ் கடந்த ஆண்டு ஜூலைக்கு பிறகு முதல்முறையாக டாப் 10 இடத்துக்கு வர, ரைபகினா 2-ஆவது இடத்துக்கு முன்னேறியிருக்கிறாா்.

ஆடவா் பிரிவில் கடைசி 3 இடங்களில் மட்டுமே மாற்றங்கள் நிகழ்ந்துள்ள நிலையில், மகளிா் பிரிவில் 5 இடங்களில் ஏற்ற, இறக்கம் நிகழ்ந்துள்ளன.

ஏடிபி (டாப் 10)

தரவரிசை வீரா் புள்ளிகள்

1 காா்லோஸ் அல்கராஸ் (ஸ்பெயின்) 13,550

2 யானிக் சின்னா் (இத்தாலி) 11,400

3 நோவக் ஜோகோவிச் (சொ்பியா) 5,370

4 அலெக்ஸாண்டா் ஸ்வெரெவ் (ஜொ்மனி) 4,905

5 லொரென்ஸோ முசெத்தி (இத்தாலி) 4,365

6 அலெக்ஸ் டி மினாா் (ஆஸ்திரேலியா) 4,185

7 டெய்லா் ஃப்ரிட்ஸ் (அமெரிக்கா) 4,170

8 ஃபெலிக்ஸ் அலியாசிம் (கனடா)+1 4,000

9 பென் ஷெல்டன் (அமெரிக்கா)-1 3,860