இந்திய அணியின் முதல் பயிற்சி ஆட்டம்: கேள்விகளுக்கு விடை கிடைக்குமா?

ரோஹித் சர்மாவுடன் விளையாடவுள்ள தொடக்க வீரர் யார்?
இந்திய அணியின் முதல் பயிற்சி ஆட்டம்: கேள்விகளுக்கு விடை கிடைக்குமா?
Published on
Updated on
1 min read

டி20 உலகக் கோப்பைப் போட்டியில் இந்திய அணி தனது முதல் பயிற்சி ஆட்டத்தை இங்கிலாந்துக்கு எதிராக இன்று விளையாடுகிறது.

டி20 உலகக் கோப்பை - ஐக்கிய அரபு அமீரகம் மற்றும் ஓமனில் அக்டோபர் 17 முதல் நவம்பர் 14 வரை நடைபெறுகிறது. துபை, அபுதாபி, ஷார்ஜா, ஓமன் என நான்கு பகுதிகளில் டி20 உலகக் கோப்பை நடைபெறவுள்ளது. இந்தியாவில் நடத்தப்படவிருந்த டி20 உலகக் கோப்பை போட்டி, கரோனா சூழல் காரணமாக ஐக்கிய அரபு அமீரகத்துக்கு மாற்றப்பட்டுள்ளது. தகுதிச்சுற்று ஆட்டங்கள் முடிந்தபிறகு அதிலிருந்து தேர்வாகும் 4 அணிகள், ஏற்கெனவே தேர்வான 8 அணிகளுடன் இணைந்து பிரதான சுற்றான சூப்பர் 12-ல் அக்டோபர் 23 முதல் போட்டியிடவுள்ளன. இந்திய அணி தனது முதல் ஆட்டத்தை அக்டோபர் 24 அன்று பாகிஸ்தானுக்கு எதிராக விளையாடுகிறது. 

டி20 உலகக் கோப்பைப் போட்டிக்கான பயிற்சி ஆட்டங்களில் இன்று (அக்டோபர் 18) இங்கிலாந்தையும் அக்டோபர் 20 அன்று ஆஸ்திரேலியாவையும் இந்திய அணி எதிர்கொள்கிறது. இங்கிலாந்துக்கு எதிரான ஆட்டம் இரவு 7.30 மணிக்கும் (இந்திய நேரம்) ஆஸ்திரேலியாவுக்கு எதிரான ஆட்டம் மாலை 3.30 மணிக்கும் தொடங்கவுள்ளன. இந்திய அணி விளையாடும் பயிற்சி ஆட்டங்கள் ஸ்டார் தொலைக்காட்சியில் நேரலையாக ஒளிபரப்பாகவுள்ளன. 

இரு பயிற்சி ஆட்டங்களின் மூலம் பாகிஸ்தானுக்கு எதிரான ஆட்டத்தில் விளையாடவுள்ள இந்திய அணி முடிவு செய்யப்படும் என எதிர்பார்க்கப்படுகிறது. ரோஹித் சர்மாவுடன் விளையாடவுள்ள தொடக்க வீரர் யார்? இந்திய அணியின் விக்கெட் கீப்பர் கே.எல். ராகுலா ரிஷப் பந்தா? எந்தச் சுழற்பந்து வீச்சாளருக்கு இடம் கிடைக்கும்? பாண்டியா பந்துவீசுவாரா? அணியில் இடம்பெறவுள்ள மூன்று வேகப்பந்து வீச்சாளர்கள் யார் என்கிற இந்திய அணி தொடர்பான பல கேள்விகளுக்கும் பயிற்சி ஆட்டத்தில் விடை கிடைக்கும் என அறியப்படுகிறது. 
 

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads

உடனுக்குடன் செய்திகளை அறிய தினமணி App பதிவிறக்கம் செய்யவும்.

Related Stories

No stories found.
X
Dinamani
www.dinamani.com