இளைஞர் நலன், வேலைவாய்ப்புக்கு ரூ. 113 கோடி

இளைஞர் நலன் மற்றும் வேலைவாய்ப்புக்கு பட்ஜெட்டில் ரூ. 113 கோடி ஒதுக்கப்பட்டுள்ளது.

இது குறித்த பட்ஜெட் அறிவிப்பு: தமிழ்நாடு திறன்மேம்பாட்டு இயக்கத்துக்கு ரூ. 75 கோடியாக இருந்த ஒதுக்கீடு ரூ. 100 கோடியாக உயர்த்தப்படும். மேலும் வடிவமைக்கப்பட்ட திறன் பயிற்சியைத் தொடர்ந்து அளிக்க ரூ. 8 கோடி ஒதுக்கப்பட்டுள்ளது.

இளைஞர்களுக்கு சுய வேலைவாய்ப்புகளை அளிப்பதற்கான சிறப்பு முயற்சிகள் தொடரும். 2013-14-ம் ஆண்டில் இந்தப் பயிற்சியை அளிக்க தொழில்முனையும் திறன்வளர்ச்சி நிறுவனத்துக்கு ரூ. 5 கோடி ஒதுக்கீடு செய்யப்பட்டுள்ளது.