போக்ஸோ சட்டத்தில் கைதான முதியவர் சிறையில் சாவு

போக்ஸோ சட்டத்தின் கீழ் கைது செய்யப்பட்டு திருச்சி மத்திய சிறையில் அடைக்கப்பட்டிருந்த சாத்தையா (82) உடல் நலக்குறைவால் உயிரிழந்தார்.
புதுக்கோட்டை மாவட்டம், திருமயத்தை அடுத்த காயப்பட்டியைச் சேர்ந்த இவர், சிறுமிக்கு பாலியல் தொந்தரவு செய்ததாக தொடரப்பட்ட வழக்கில் 10 ஆண்டுகள் கடுங்காவல் தண்டனை பெற்று திருச்சி மத்திய சிறையில் அடைக்கப்பட்டிருந்தார். சுவாசக் கோளாறால் அவதிப்பட்டு வந்த சாத்தையாவுக்கு புதன்கிழமை நள்ளிரவு திடீரென மூச்சுத் திணறல் ஏற்பட்டுள்ளது. இதையடுத்து சிறை அதிகாரிகள், சாத்தையாவை திருச்சி அரசு மருத்துவமனைக்கு சிகிச்சைக்காக கொண்டு வந்தனர். ஆனால், வரும் வழியிலேயே அவர் உயிரிழந்தார். இதுதொடர்பாக, கே.கே. நகர் போலீஸார் வழக்குப் பதிவு செய்து விசாரணை நடத்தி வருகின்றனர்.