மிட்நைட் மசாலா' பார்ப்பது உண்டா?: பேரவையில் சிரிப்பலை

மிட்நைட் மசாலா' பார்ப்பது உண்டா என்று எதிர்க்கட்சித் துணைத் தலைவர் துரைமுருகனைப் பார்த்து அமைச்சர் டி.ஜெயக்குமார் எழுப்பிய கேள்வியால் பேரவையில் சிரிப்பலை எழுந்தது.
சட்டப்பேரவையில் துரைமுருகன் எழுந்து, விஜய் டிவியின் சூப்பர் சிங்கர் நிகழ்ச்சியில் நாட்டுப்புறப் பாடல்கள் பாடப்படுகின்றன. அதனால், இப்போது நாட்டுப்புறப் பாடல்களுக்கு மவுசு ஏற்பட்டுள்ளது. அதைப் பார்த்துவிட்டுதான் இரவு தூங்கச் செல்கிறேன். அதுபோல நாட்டுப்புறக் கலைஞர்களை ஊக்குவிப்பதற்கு அரசு நடவடிக்கை எடுக்க வேண்டும் என்றார்.
அப்போது, அமைச்சர் டி.ஜெயக்குமார் குறுக்கிட்டு, இரவில் பாடல்கள் கேட்காமல் தூங்குவதில்லை என்று துரைமுருகன் கூறுகிறார். மிட்நைட் மசாலா' பாடல்கள் கேட்பது உண்டா என்றார். இதனால், அவையில் சிரிப்பலை எழுந்தது.
பின்னர், துரைமுருகன் எழுந்து அமைச்சர் ஜெயக்குமார் செய்வதை எல்லாம் என்னால் செய்ய முடியாது என்றார். அதற்கும் கைதட்டல் எழுந்தது.