பசுமை வழிச் சாலைக்கு எதிராக போராடியோர் கைது: பழ.நெடுமாறன் கண்டனம்

சென்னை - சேலம் பசுமை வழிச் சாலைக்கு எதிராகப் போராடியவர்கள் கைது செய்யப்பட்டுள்ளதற்கு, தமிழர் தேசிய முன்னணியின் தலைவர் பழ.நெடுமாறன் கண்டனம் தெரிவித்துள்ளார்.
இதுதொடர்பாக அவர் செவ்வாய்க்கிழமை வெளியிட்ட அறிக்கை: 
தமிழகத்தின் இயற்கை வளங்களைக் காக்கப் போராடுவோருக்கு எதிராக அடக்குமுறைச் சட்டங்கள் ஏவப்படுவது வன்மையாகக் கண்டிக்கத்தக்கது. 
மாணவி வளர்மதி, நடிகர் மன்சூர் அலிகான், இயக்குநர் கெளதமன், மக்கள் அதிகாரம் அமைப்பைச் சேர்ந்தவர்கள் உள்பட கைது செய்யப்பட்டுள்ள அனைவரையும் விடுதலை செய்ய வேண்டும் என்று பழ.நெடுமாறன் தெரிவித்துள்ளார்.