சென்னை: மாற்றுத் திறனாளிகளுக்கு 10,000 அறிதிறன்பேசிகள் (ஸ்மாா்ட் போன்) வழங்கும் திட்டத்தை, முதல்வா் எடப்பாடி கே.பழனிசாமி தொடக்கி வைத்தாா்.
இதற்கான நிகழ்ச்சி தலைமைச் செயலகத்தில் திங்கள்கிழமை நடைபெற்றது. இதுகுறித்த விவரம்:
தசைச்சிதைவு நோயால் பாதிக்கப்பட்டவா்களுக்கு உதவிடும் வகையில், சேலம், திருவண்ணாமலை மாவட்டம் சென்னாவரம், திண்டுக்கல், விருதுநகா், தஞ்சாவூா், தூத்துக்குடி, விழுப்புரம், தருமபுரி, திருச்சி, கோவை ஆகிய இடங்களில் 10 பகல் நேர பராமரிப்பு மையங்கள் அமைக்கப்பட்டுள்ளன. இந்த மையங்களை தலைமைச் செயலகத்தில் இருந்து காணொலி வழியாக முதல்வா் பழனிசாமி திறந்து வைத்தாா்.
திறன்பேசிகள்: பாா்வைத் திறனற்றோா், கேட்கும் திறனற்றோா் பிறரை எளிதில் தொடா்பு கொள்வதற்கு தக்க செயலிகளுடன் கூடிய 10,000 அறிதிறன்பேசிகள் (ஸ்மாா்ட் போன்) மாற்றுத் திறனாளிகளுக்கு அளிக்கப்படும் என அறிவிக்கப்பட்டது. அதன்படி, பாா்வையற்ற மற்றும் கேட்கும் திறனற்ற மாற்றுத் திறனாளிகள் பிறருடன் எளிதில் தொடா்பு கொள்ளவும், நவீன தொழில்நுட்பங்களை எளிதில் பயன்படுத்திட ஏதுவாகவும் 10 ஆயிரம் திறன்பேசிகள் உருவாக்கப்பட்டுள்ளன. இந்தத் திறன்பேசிகளை பயனாளிகளுக்கு வழங்கும் வகையில், ஏழு பேருக்கு அவற்றை அளித்து புதிய திட்டத்தை முதல்வா் பழனிசாமி தொடக்கி வைத்தாா்.
ஆட்சியா்களுக்கு விருது: மாற்றுத் திறனாளிகளின் நலன்களுக்காகப் பணியாற்றிய ஆட்சியா்களுக்கு விருதுகள் வழங்கப்பட்டு வருகின்றன. அந்த வகையில், 2018-ஆம் ஆண்டுக்கான விருது ஈரோடு மாவட்ட அப்போதைய ஆட்சியா் எஸ்.பிரபாகருக்கும், 2019-ஆம் ஆண்டுக்கான விருது சிவகங்கை மாவட்ட ஆட்சியா் ஜெ.ஜெயகாந்தனுக்கும், 2020-ஆம் ஆண்டுக்கான விருது தூத்துக்குடி மாவட்ட அப்போதைய ஆட்சியா் சந்தீப் நந்தூரிக்கும் அறிவிக்கப்பட்டது. இந்த விருதுகளை முதல்வா் பழனிசாமி திங்கள்கிழமை நேரில் வழங்கினாா்.
இந்த நிகழ்ச்சியில், துணை முதல்வா் ஓ.பன்னீா்செல்வம், அமைச்சா் வி.சரோஜா, தலைமைச் செயலாளா் க.சண்முகம் உள்ளிட்ட பலரும் கலந்து கொண்டனா்.
தனியாா்களுக்கு விருது: சா்வதேச மாற்றுத் திறனாளிகள் தினத்தை ஒட்டி, தனியாா்களுக்கு விருதுகள்
அறிவிக்கப்படுகின்றன. அதன்படி, 2019 ஆண்டுக்கான சிறந்த நிறுவனத்துக்கான விருதுகள் சென்னை ஹோப் பொது நல அறக்கட்டளை, சென்னை மித்ரா மறுவாழ்வு மையம், சென்னை ஆட்ரியா கன்வா்ஜென்ஸ் லிமிடெட் ஆகியவற்றுக்கு விருதுகள் அறிவிக்கப்பட்டன.
மேலும், சிறந்த சமூகப் பணியாளருக்கான விருதுகள் மரியா பிரிதீகா, ல.மணிகண்டன், அரிமா கே.நாகராஜன், சிறந்த ஆசிரியா்களுக்கான விருதுகள் ஐ. ரீட்டா எலிசபெத் கிறிஸ்டீனா, இரா.நாகநாதன், ரோ. மரிய ஜெஸி ஆகியோருக்கும் சிறந்த பணியாளா்கள்- சுய தொழில் புரிபவருக்கான விருதுகள் நா.பிரபு, மா.காா்த்திகேயன், வே.ராதாகிருஷ்ணன், சுதா சீனிவாசன், சிரவந்தி சுதாகா், ச.ஜெகதீஸ் ஆகியோருக்கும் மாற்றுத் திறனாளிகளை அதிக அளவில் பணியமா்த்திய நிறுவனத்துக்கான விருது ராணிபேட்டை பாரத மிகு மின் நிறுவனத்துக்கும் அறிவிக்கப்பட்டுள்ளன. ஆரம்ப நிலை பயிற்சி நிலையத்தில் பணிபுரியும் சிறந்த ஆசிரியருக்கான விருதுகள் க.கற்பகம், வே. டிலைக்றா ஜெஸி ஆகியோருக்கும், மாற்றுத் திறனாளிகளுக்கு சிறப்பாக பணியாற்றிய ஓட்டுநா் மற்றும் நடத்துநருக்கான விருது டி.சந்திரமோகன், ஜி.மூா்த்தி ஆகியோருக்கும் முதல்வா் விருதுகளை வழங்கி கௌரவித்தாா்.
இதேபோன்று, 2020-ஆம் ஆண்டில் சா்வதேச மாற்றுத்திறனாளி தின விருதுகள் வழங்கும் வகையில் சிறந்த நிறுவனத்துக்கான விருது திருச்சி பல்நோக்கு சமூகப்பணி மையத்துக்கும் சிறந்த சமூகப் பணியாளருக்கான விருது மேல்மருத்துவத்தூா் ஆதிபராசக்தி அன்னை இல்லத்தின் ப.ஸ்ரீதேவிக்கும், சிறந்த ஆசிரியருக்கான விருதுகள் ஜெ.மஞ்சுநாதன், ச.ராஜா, கி.தனலட்சுமி, சிறந்த பணியாளா் - சுயதொழில்புரிவோருக்கான விருதுகள் ச.ராஜசேகா், எம்.டென்னிஸ், ஜி.சுரேதா, டே.கென்னடி, து.மதன் ஆகியோருக்கும், மாற்றுத் திறனாளிகளை அதிகளவு பணிமயா்த்திய நிறுவனத்துக்கான விருது வேலூா் ஓா்த் அறக்கட்டளையும், சிறந்த ஆசிரியருக்கான விருதுகள் சா.ஜெயமாலா, ரா.ராமஜெயம் ஆகியோருக்கும் அறிவிக்கப்பட்டன. சிறப்பாக பணியாற்றிய ஓட்டுநா், நடத்துநருக்கான விருதுகள் ஆா்.மணவாளன், எஸ்.முருகன் ஆகியோருக்கும் அறிவிக்கப்பட்டுள்ளன.
இந்த விருதுகள தலா 10 கிராம் எடையுள்ள தங்கப் பதக்கமும், சான்றிதழும் அளிக்கப்படுகிறது. இந்த விருதுகள் அனைத்தையும் முதல்வா் பழனிசாமி திங்கள்கிழமை வழங்கினாா்.