முதல்வரின் விரிவான மருத்துவ காப்பீடு திட்ட பயனாளிகளுக்கான வருமான வரம்பு ரூ.1.20 லட்சமாக உயர்த்தி தமிழக அரசு அரசாணை வெளியிட்டுள்ளது.
இதற்கு முன்பு முதல்வரின் காப்பீடு திட்ட ஆண்டு வருமான வரம்பு ரூ.72,000 ஆயிரமாக இருந்த நிலையில், தற்போது ரூ.1.20 லட்சமாக தமிழக அரசு உயர்த்தியுள்ளது.
மருத்துவ காப்பீட்டிற்கான தவணைத் தொகையாக இந்த ஆண்டிற்கு மட்டும் ரூ.1,248.29 கோடி ஏற்கெனவே ஒதுக்கீடு செய்யப்பட்டுள்ளது.
2009-ஆம் ஆண்டு ஜூலை மாதம் உயர் ரக மருத்துவ சிகிச்சைக்கான கலைஞர் காப்பீடு திட்டம் என்ற முதல்வரின் மருத்துவ காப்பீடு திட்டம் உருவாக்கப்பட்டது. இந்தத் திட்டமானது, 51 வகையான நோய்களுக்கு, 5 லட்ச ரூபாய் வரையிலான உயர் மருத்துவ சிகிச்சைகளை அரசு மற்றும் தனியார் மருத்துவமனைகளில் இலவசமாக பெற வழிவகை செய்கிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.