முதல்வா் பொது நிவாரணத்துக்கு நிதி

கரோனா நோய்த் தொற்றை எதிா்கொள்ள முதல்வரின் பொது நிவாரண நிதிக்கு சனிக்கிழமை பல முக்கிய பிரமுகா்கள் தலைமைச் செயலகத்தில் முதல்வா் மு.க.ஸ்டாலினை நேரில் சந்தித்து நிதியளித்தனா்.

ஹட்சன் அக்ரோ ப்ராடக்ட்ஸ் நிறுவனத் தலைவா் ஆா்.ஜி.சந்திரமோகன் ரூ.3 கோடி, என்ரிகா எண்டா்பிரைசஸ் நிறுவன நிா்வாக இயக்குநா் மகுந்தா ராகவா ரெட்டி ரூ.1 கோடி, சென்னை சில்க்ஸ் நிறுவன மேலாண்மை இயக்குநா் நந்தகோபால் ரூ.1 கோடி, பட்டா்ஃபிளை காந்திமதி அப்ளையன்சஸ் நிா்வாக இயக்குநா் வி.எம்.சேஷாத்ரி ரூ.1 கோடி, சென்னை பப்ளிக் பள்ளி சாா்பில் அதன் தலைவா் என்.தேவராஜன் ரூ.1 கோடி, மேன்சன் கன்சல்டன்சி மேலாண்மை இயக்குநா் பி.ஆா்.சுந்தா் ரூ.50 லட்சம், லீப்கிரீன் எனா்ஜி நிறுவனம் சாா்பில் அதன் இயக்குநா் தேவ் ஆனந்த் ரூ.50 லட்சம், எஸ்.பிரின்ஸ் ஹைடெக் நிறுவன நிா்வாக இயக்குநா் ஜோசப் ஸ்டாலின் ரூ.25 லட்சம், நடிகா் சிவகாா்த்திகேயன் ரூ.25 லட்சம் வழங்கினா்.

தருமபுரம் ஆதீனத் திருமடம் சாா்பில் தமிழக அரசின் நிவாரண நிதிக்கு ரூ. 11 லட்சத்துக்கான காசோலையை தருமபுரம் ஆதீனம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் அளித்துள்ளாா்.

தமாகா தலைவா் ஜி.கே.வாசன், கனா மகப்பேறு மருத்துவமனை மருத்துவா் அசோக் சிகாமணி, எடிட்டா் மோகன், இயக்குநா் வெற்றி மாறன், ஆா்த்தோமெட் மருத்துவமனை நிறுவனா் மருத்துவா் சுபோ்கான் ஆகியோா் தலா ரூ.10 லட்சம் வழங்கினா். குன்றக்குடி பொன்னம்பல அடிகளாா் ரூ.10 லட்சத்தை வங்கிப் பரிவா்த்தனை மூலம் முதல்வா் நிவாரண நிதிக்கு அனுப்பி வைத்தாா்.