உள்ளாட்சித் தேர்தலில் கூட்டணிக் கட்சிகளுடன் பேசி சுமுக முடிவு: திமுக

உள்ளாட்சித் தேர்தலில் கூட்டணிக் கட்சிகளுடன் பேசி சுமுக முடிவு எடுக்க மாவட்டச் செயலாளர்கள் மற்றும் பொறுப்பாளர்களை திமுக அறிவுறுத்தியுள்ளது.

இதுதொடர்பாக திமுக பொதுச்செயலாளர் துரைமுருகன் வெளியிட்டுள்ள அறிவிப்பில் தெரிவிக்கப்பட்டுள்ளது:

"நடைபெறவுள்ள 9 மாவட்ட ஊரக உள்ளாட்சித் தேர்தலில், மதச் சார்பற்ற முற்போக்குக் கூட்டணியில் இடம் பெற்றிருந்த கட்சிகளின் மாவட்ட நிர்வாகிகளுடன், உள்ளாட்சி அமைப்பு இடங்கள் குறித்து பேசி, சுமுக முடிவு செய்ய வேண்டுமென மாவட்டச் செயலாளர்கள் / பொறுப்பாளர்கள் கேட்டுக் கொள்ளப்படுகின்றனர்."

இதையும் படிக்க |  சர்வதேச போட்டிக்கு ஏழை மாணவி தேர்வு: நேபாளம் செல்ல பணம் இல்லாமல் தவிப்பு

வேலூர், திருநெல்வேலி, காஞ்சிபுரம், விழுப்புரம் உள்ளிட்ட 9 மாவட்டங்களுக்கான ஊரக உள்ளாட்சித் தேர்தல் அக்டோபர் 6, 9-ம் தேதிகளில் இரண்டு கட்டங்களாக நடைபெறுகிறது. அக்டோபர் 12-ம் தேதி வாக்கு எண்ணிக்கை நடைபெறுகிறது.

அதிமுக கூட்டணியில் இருந்த பாமக உள்ளாட்சித் தேர்தலில் தனித்துப் போட்டியிடுவதாக செவ்வாய்க்கிழமை அறிவித்தது குறிப்பிடத்தக்கது.