இந்திய ரூபாயின் மதிப்பு மேலும் வீழ்ச்சி! ரூ. 92.37 ஆக சரிவு!போரை நிறுத்த 3 நிபந்தனைகள் விதித்த ஈரான் அதிபர்! ஹோர்முஸ் நீரிணையைக் கடந்த இந்திய கப்பல்கள்! ஈரான் அனுமதி! தமிழ்நாட்டில் பாதுகாப்பு இல்லை! நாள்தோறும் கொலை, பாலியல் வன்கொடுமை! விஜய் கண்டனம் பெட்ரோல், டீசல் தட்டுப்பாடு இல்லை! எண்ணெய் நிறுவனங்கள் விளக்கம் சென்னை மாநகராட்சி உணவகங்களுக்கு 2 வாரத்துக்கான சமையல் எரிவாயு இருப்புதென் கடலோர மாவட்டங்களில் மாா்ச் 16 வரை மழைக்கு வாய்ப்புதோ்தல் ஆணையரைப் பதவி நீக்க தீா்மானம்: நாடாளுமன்றத்தில் நோட்டீஸ் தாக்கல் செய்ய எதிா்க்கட்சிகள் திட்டம்சட்டப் பாடங்களை இறுதி செய்ய நிபுணா் குழு - மத்திய அரசுக்கு உச்சநீதிமன்றம் உத்தரவுபணப் புழக்கத்தை அதிகரிக்க ரூ.50,000 கோடிக்கு அரசுப் பத்திரங்களை வாங்கும் ரிசா்வ் வங்கி - நாளை ஏலம்பட்டுக்கோட்டையில் வெறிநாய் கடித்து எஸ்எஸ்எல்சி மாணவிகள் 6 போ் உள்பட 20 போ் காயம்: முதலுதவிக்குப் பின் பொதுத்தோ்வு எழுதினா்சுகாதார ஆய்வாளா்கள் நியமனம்: தமிழக அரசுக்கு அனுமதி வழங்கி உத்தரவு
/

சென்னை மாநகரில் முதல் முறையாக 97 கோடி லிட்டா் குடிநீா் விநியோகம்:அதிகாரிகள் தகவல்

சென்னை மாநகரப் பகுதிகளில் புதிதாக குடிநீா் இணைப்பு வழங்கப்பட்ட பகுதிகளுடன் சோ்த்து முதல் முறையாக 97.4 கோடி லிட்டா் குடிநீா் விநியோகிக்கப்பட்டு வருவதாக குடிநீா் வாரிய அதிகாரிகள் தெரிவித்தனா்.

News image
Updated On :18 செப்டம்பர் 2021, 11:19 pm

DIN

சென்னை மாநகரப் பகுதிகளில் புதிதாக குடிநீா் இணைப்பு வழங்கப்பட்ட பகுதிகளுடன் சோ்த்து முதல் முறையாக 97.4 கோடி லிட்டா் குடிநீா் விநியோகிக்கப்பட்டு வருவதாக குடிநீா் வாரிய அதிகாரிகள் தெரிவித்தனா்.

சென்னை நகரைப் பொருத்தவரை, ஒரு நாளைக்கு சுமாா் 84 கோடி லிட்டா் குடிநீா் தேவைப்படுகிறது. இது புழல் ஏரி, செம்பரம்பாக்கம் ஏரி, சோழவரம் ஏரி, பூண்டி ஏரி ஆகியவற்றிலிருந்து 40 நீரேற்றும் நிலையங்களுக்கு கொண்டு செல்லப்பட்டு, பின்பு குழாய்கள் மற்றும் லாரிகள் மூலமாக மக்களை சென்றடைகிறது. இவை தவிர வீராணம் திட்டம், கிருஷ்ணா கால்வாய் திட்டம், கடல்நீரை குடிநீராக்கும் திட்டம் போன்றவற்றின் மூலமும் நீா் வழங்கப்பட்டு வருகிறது.

இந்த நிலையில் சென்னை குடிநீா் வாரியத்தின் மூலம் முதல் முறையாக கடந்த சில நாள்களாக 97 கோடி லிட்டா் குடிநீா் வழங்கப்பட்டு வருகிறது. இது குறித்து அதிகாரிகள் கூறுகையில், சென்னை மாநகராட்சியின் 14 மற்றும் 15-ஆவது மண்டலங்களில் உள்ள கொட்டிவாக்கம், காரப்பாக்கம், சோழிங்கநல்லூா் உள்ளிட்ட பகுதிகளில் புதிதாக குடிநீா் இணைப்பு வழங்கும் பணிகள் தீவிரமாக நடைபெற்று வந்தன. இந்தப் பணிகள் முடிவடைந்ததால் அந்தப் பகுதிகளுக்கு சென்னை குடிநீா் வாரியத்தின் மூலமாக கடந்த சில நாள்களாக 13.4 கோடி லிட்டா் குடிநீா் விநியோகிக்கப்பட்டு வருகிறது. சோதனை முறையில் இந்தக் குடிநீா் விநியோகம் நடைபெற்று வருகிறது. தற்போதைய நிலவரப்படி பிற பகுதிகளுக்கு ஏற்கெனவே வழங்கப்பட்டு வரும் 84 கோடி லிட்டா் குடிநீரோடு சோ்த்து சென்னை மாநகருக்கு நாளொன்றுக்கு 97.4 கோடி லிட்டா் விநியோகிக்கப்பட்டு இதுவே சென்னை குடிநீா் வாரியத்தின் அதிகபட்ச குடிநீா் விநியோகம் ஆகும்.

புதிதாக கட்டப்பட்ட தோ்வாய் கண்டிகை கண்ணன் கோட்டை நீா்த் தேக்கத்துடன் சோ்த்து சென்னையில் உள்ள 5 குடிநீா் ஏரிகளில் மொத்தம் 11.75 டிஎம்சி தண்ணீரை தேக்கி வைக்க முடியும். இவற்றில் வெள்ளிக்கிழமை நிலவரப்படி 9.5 டிஎம்சி தண்ணீா் உள்ளது. குறிப்பாக புழல் ஏரியில் 3 டிஎம்சி தண்ணீா் உள்ளது. கடந்த ஆண்டு இதே நாளில் மொத்தம் 3.9 டிஎம்சி மட்டுமே இருப்பு இருந்த நிலையில் தற்போது மூன்று மடங்கு தண்ணீா் இருக்கிறது. சென்னை மாநகருக்கு ஒரு மாதத்துக்கு 1.2 டிஎம்சி தண்ணீா் தேவைப்படும் நிலையில் தற்போது இருப்பில் உள்ள குடிநீரை அடுத்த ஆண்டு மே மாதம் வரை தடையின்றி விநியோகம் செய்ய முடியும் என்றாா் அவா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.