தமிழகத்தில் புதிதாக 1,467 பேருக்கு கரோனா; 16 பேர் பலி

தமிழகத்தில் கடந்த 24 மணி நேரத்தில் புதிதாக 1,467 பேருக்கு கரோனா வைரஸ் தொற்று உறுதி செய்யப்பட்டுள்ளது. இன்று மட்டும் 16 பேர் உயிரிழந்தனர்.

தமிழக கரோனா பாதிப்பு நிலவரம் குறித்து சுகாதாரத் துறை திங்கள் கிழமை (அக்.4) வெளியிட்டுள்ள அறிக்கையில்,

புதிதாக 1,467 பேருக்கு நோய்த் தொற்று இருப்பது உறுதி செய்யப்பட்டுள்ள நிலையில், இதுவரை மொத்தமாக பாதிக்கப்படோர் எண்ணிக்கை 26,69,962-ஆக உயர்ந்துள்ளது.

படிக்க | கரோனா கோவையில் குறைகிறது; சென்னையில் தொடர்ந்து அதிகரிப்பு

கடந்த ஒரு நாளில் மட்டும் பலி எண்ணிக்கை 16-ஆக குறைந்துள்ளது. இதனால் இதுவரை மொத்தமாக உயிரிழந்தோரின் எண்ணிக்கை 35,666-ஆக அதிகரித்துள்ளது. 

அரசு மருத்துவமனையில் 10 பேரும், தனியார் மருத்துவமனையில் 6 பேரும் உயிரிழந்தனர். 

கரோனாவிலிருந்து 1,559 பேர் குணமடைந்து வீடு திரும்பியுள்ளனர். இதுவரை மொத்தமாக குணமடைந்து வீடு திரும்பியோர் எண்ணிக்கை 26,17,432-ஆக அதிகரித்துள்ளது.

கரோனாவால் பாதிக்கப்பட்டு பல்வேறு மருத்துவமனைகளிலும், வீடுகளிலும் 16,864 பேர் சிகிச்சை பெற்று வருகின்றனர். இன்று ஒரு நாளில் மட்டும் 1,48,229 பேருக்கு கரோனா பரிசோதனை செய்யப்பட்டுள்ளது.

மாவட்ட வாரியாக பாதிப்பு...

தமிழகத்தில் அதிகபட்சமாக சென்னையில் 181 பேருக்கு கரோனா கண்டறியப்பட்டுள்ளது. அதற்கு அடுத்தபடியாக கோவையில் 155 பேர் பாதிக்கப்பட்டுள்ளனர்.

செங்கல்பட்டு -103
தஞ்சாவூர் -90
ஈரோடு -88
சேலம் -51
திருச்சி -50